[Happy Days!鹿児島宮崎!] Day 3:極楽湯again(百白糀、長野巨峰、甲州あんぽ柿)

係呀,又去浸溫泉喇~~~

鬼叫行一陣就到
鬼叫個限定養命酒湯好過癮
鬼叫瞓石板好得意
鬼叫露天同室內都有好多種浸
鬼叫...
有100円off嘅優惠劵,哈哈哈!

然而入去裡面有嘢食之餘仲有嘢賣
除咗最普通遊客式芒果曲奇、蕃薯脆粒同出面一樣價錢之外
農產品呢度買得平好多又新鮮
宮崎県の白水舎乳業 | 牛乳甘酒 百白糀
首先,浸完溫泉飲牛奶甘酒
呢隻made in宮崎嘅奶 x 甘酒
標榜「 遊離アミノ酸は牛乳の100倍。ヨーグルトの25倍以上。」
完全適合浸完溫泉飲用補充養分
味道都幾濃郁,天然甜但甜咗少少
都香嘅,不過擒日朝隻自家製甘酒實在太驚豔
係有D比下去,所以唔應該拎嚟比較
都好味就係,值得買嚟試吓嘅
長野県産 巨峰
甜,但唔係爆濃甜味嘅巨峰
似返生果應該擁有嘅味道
皮唔會太澀,可以食
果肉滑滑似韌身jelly
好抵食
甲州名產 あんぽ柿
半乾嘅柿,爆甜
肉層同纖維全保留,仲juicy㗎!
好好食而且超平!!!
缺點只係我承認買得太少...(!)

-----------------------------------------------

延伸閱讀:Happy Days!鹿児島宮崎! (10D9N)

Comments