[食の四国ツアー] Day3:香川(高松)↔ 德島(鳴門、德島)

擒日唔用JR pass都已經周圍去
嚟緊呢幾日開始用呢張四國鐵路周遊券(5日間用)
就明白咩叫「俾張pass我一定同你用到盡」 XDDD

高松 → 池谷 → 鳴門
同JR有兩個香港人
落車嗰陣膽粗粗咁問一唔一齊share的士
雖然佢哋第一句係「原來你哋係香港人嚟㗎?」
而結果當然都齊齊搭啦
一齊share的士係平過同快過搭express bus嘛...
不過一早就去到未有渦潮睇嘅
食住等啦 @うづ乃家 鯛魚飯
去鳴門唔係唔食鳴門鯛呀化?
呢間餐廳仲要對正正條大鳴門橋
天氣好好呀,食魚食景都咁正~
食飽飽行吓就冇咁眼瞓嘅 @相ヶ浜
鳴門金時 焼き芋
行吓行吓又食吓嘢咁
鳴門有鳴門鯛仲有鳴門金時
即係蕃薯啦
咁呢度出㗎嘛咪買碌仔食吓囉
Mmm...  同平時香港買一大包嘅味道冇分別
行完下面行上面(係呀仲未夠鐘睇嘛)
お茶園展望台望返落嚟嘅大鳴門橋同個海
大鳴門橋 渦の道
好喇終於差唔多時間
可以行入去喇
太早入嚟真係冇嘢好做又未有嘢睇嘛
特特特登搭咁耐車就係要嚟睇鳴門の渦潮
然而只係得小潮㖭咋
校啱時間入嚟都叫睇到吓咁囉
而且慳返唔駛再坐船落去睇近景
OK啦~ 好過冇,滿足㗎喇

睇完就搭巴士去德島
阿波おどり会館兜咗個圈
加上眉山ロープウェイ閂咗
咁冇咩需要留戀搵嘢食好過啦
食個late tea @ラーメン東大
德島ラーメン就係味道濃郁
加埋隻生蛋就更更更香
chur完碗麵再行兩行就食晚餐@一鴻(哈哈哈) 
响德島係要必定要食阿波尾鶏
呢隻就唔同擒日嗰隻
擒日嘅係好有𡁻頭嘅韌雞
今日就係肉嫩但雞味依然嗰種
呢餐呢係之前上網訂定嘅コース
所以好多嘢食好飽(撐撐撐)

最後由德島返栗林再行返酒店覺覺豬


遠征完聽日再進擊啲帶行李移動!!!

-----------------------------------------------


延伸閱讀:

Day1:香川(高松)
Day2:香川(高松、丸亀、琴平)
Day3:香川(高松)↔ 德島(鳴門、德島)
Day4:香川(高松)→ 愛媛(松山)
Day5:愛媛(松山、宇和島)
Day6:愛媛(松山)→ 高知(高知)
Day7:高知(高知、中村、須崎)
Day8:高知(高知)→ 高松(高松空港)

Comments