[食の四国ツアー] Day5:愛媛(松山、宇和島)

早睡早起身體好
日吃夜吃做得到(握拳)

繼續用JR pass四圍去

勝山町 → 松山駅前
出發前响JR松山駅買嘢食
@安岡蒲鉾,宇和島名產手造りじゃこ天
熱辣辣魚味重又彈彈牙
雖然而家就即刻走去宇和島
不過襯新鮮食真係唔等得食咗一陣去到再食過囉
校啱時間又有得坐アンパンマン JR
呢㗎係宇和海アンパンマン列車
由紫橙黃三隻顏色車卡組成
裡面無特別車廂同アンパンマン駅弁
咁冇呢樣啫都唔會令你失望嘅
希望在細節之個車飛stamp係アンパンマン(so cute)
响宇和島落車嗰陣
仲俾我遇到「宇土線3兄弟」嘅二佬
海洋堂ホビートレイン
今個旅程遇唔啱搭呢3兄弟
(首選アンパンマン列車 x 行程需要總和)
居然搭唔到都見到其中一架
有呢種bonus都幾興奮㗎
上宇和島城前就先再食少少嘢
甜嘢可以補充糖分
加上係期間限定嘅イチゴ大福
點都要食吓嘅
然而呢間係一六本舗
因此都會食埋一六タルト
飽飽喇,就慢慢行上個宇和島城
佢都係現存12天守嘅其中一個

嗯~ 係咪覺得個個城都差唔多
點解要特登嚟宇和島睇咁奇怪呢
其實嚟宇和島唔係真係為咗睇個城
好大程度係因為餐與餐之間都要搵啲嘢嚟做吓
行上矮矮嘅山城就係最好嘅消化活動啫
咁行完咪到食晏時間囉 @ほづみ亭
宇和島特有嘅宇和島式鯛魚飯(宇和島鯛飯
啲鯛魚係撈埋蛋同醬汁一齊食第二度食唔到
另一樣愛媛尤其宇和島嘅名物佐妻(宇和島さつま飯
擒晚其實响五志喜食過不過味道同質地都唔驚艷
嚟到最地道嘅宇和島食果然差好遠
堅香滑同超濃魚味,好食到暈低(跌)
臨上車前再買袋特產宇和島みかん
唔係好甜少少酸咁好帶新鮮柑橘味
(啲日本生果好多時都甜得好假)
當地嘢最吸引係價格超親民,哈

JR:宇和島 → 松山(再行去大手町)
伊予鉄道:大手町 → 松山市
再上埋呢個くるりん大観覽車嘅摩天輪
全部都係JR pass包晒
本身對摩天輪冇乜迷戀嘅感覺
咁既然免費又有時間剩
搭吓百貨公司頂樓嘅摩天輪睇吓個松山景都唔錯吖

差唔多日落晒又移動
搭伊予鉄道由松山市到大街道
大街道商店街
日落晒梗係唔係嚟行街啦
食晚飯 @すし丸 本店
响松山唔食松山鮓絕對會係遺憾
仲有仲有,嚟到松山如果miss咗呢隻道後ビール
回望人生就會有種追悔莫及嘅感覺
完全冇誇張,隻啤酒真係好飲到流出感動嘅眼淚
(而家打字都仲眼濕濕咁呀該煨)

食到好飽,諗住膽粗粗夜訪松山城
可惜條路非常之黑,放棄~

又搭伊予鉄道從県庁前到道後公園
行一陣超市買啲生果準備補充維他命C
再搭一個站去道後温泉浸溫泉again!
無計啦個pass包晒就係有車就跳上去㗎喇
まごころ酪園 - らくれん牛乳
舒舒服服咁浸完
扮吓當地人飲返樽牛奶先
香濃厚滑好好味呢

殊不知快樂不知時日過
逛吓逛吓條道後ハイカラ通り
逛到尾班電車say goodnight
要行廿零卅分鐘返酒店㖭
あかまつ農園 イチゴ
好彩邊行邊有超甜嘅士多啤梨陪住
條街冇人咁滯行住食都唔覺眼嘅
都係愛媛県產㗎~


行夠食夠浸夠
好好地瞓返覺先
聽朝又嚟個大遷徙(wakakakaakakaa)

-----------------------------------------------


延伸閱讀:

Day1:香川(高松)
Day2:香川(高松、丸亀、琴平)
Day3:香川(高松)↔ 德島(鳴門、德島)
Day4:香川(高松)→ 愛媛(松山)
Day5:愛媛(松山、宇和島)
Day6:愛媛(松山)→ 高知(高知)
Day7:高知(高知、中村、須崎)
Day8:高知(高知)→ 高松(高松空港)

Comments