[食の四国ツアー] Day8:高知(高知)→ 高松(高松空港)

去旅行就神奇在擒晚唔早瞓
但係今朝六點半起身竟然係精神奕奕嘅
(日本時間六點半即係香港嘅五點半,平日呢段時間真係身都未轉啦莫講話起身仲要精神嗰隻)
SUNNY MART 高南台地牛乳

未知幾點先食嘢
卻知道要「勞動」吓
隊定盒高知奶頂吓肚先
(街頭)

早早起行就係為咗要快人一步去日曜市
(街尾)

咁就可以唔駛迫人下行完一round
…一條路千三米多啲(全日本最長)
因為晏啲啲 (9am)就變得咁水洩不通㗎喇
即係都係時候走喇
(已經兜完3 round,成條街行咗6次唔駛再磨啦)
買到重屎揼揼

先返酒店擺低嘢
食埋擒晚完成唔晒嘅鯖姿寿司
再落多次日曜市食串燒,嘿嘿
响高知嘅最後一餐係嚟菓子処 青柳 本店食brunch
係呀就係要又香又甜
款款都咁好食嘅?


呀,食完嘢就要穿州過省去機場喇
個JR pass得5日
所以呢程係搭高速巴士:
高知駅 → ゆめタウン高松 → 高松空港
上機前都食返少少嘢先
旭堂の元祖ぼうしパン
高知嘅代表性包包
同香港嘅墨西哥包嘅味道一樣
係曲奇同包包位調轉
兩地嘅味道都係咁vintage啦


幾唔捨得都要搭飛機返屋企喇~~~

-----------------------------------------------


延伸閱讀:
Day8:高知(高知)→ 高松(高松空港)

Comments