《銀魂》

為咗朋友一句:組團睇銀魂?
好好好!等香港上映先睇
足足遲咗一個月先上㗎,忍死我...
不過最後等唔切喇
組唔成團睇走咗去呀(笑)

講返套戲先,一句形容晒:
「由開場笑到片尾呀頂!」

漫畫已經好好笑
佢個動畫再玩得癲啲
真人版就簡直係玩到黐晒線(喪拍大髀)

從演員自身到其他漫畫動畫
炒埋一碟但一啲都唔會散
有少少位都要入晒
務求令睇嘅人連續爆笑

一般嚟講動漫變真人版好難做得好好睇
嗱,就以今次男主角小栗旬做例子:
迷妹時期憧憬嘅《花ざかりの君たちへ》主角佐野泉
同《花より男子》嘅花沢類都係佢
當時我係極度鄙視呢條友
大喊選錯角呀選錯角呀 x 10000000000000000000
但係佢好適合做坂田銀時而且做得(算)好傳神

要吐糟嘅話就係個堂本剛囉
睇到差啲出戲(汗)

熟悉嘅背景 x 耳熟能詳嘅故事
(泛指睇開嗰啲)
無計,除咗爆笑都係爆笑
所以難怪响香港一啲宣傳都無
梗係啦,套嘢真係好好睇
就算唔宣傳齋靠口碑都夠晒
落重本宣傳呢家嘢留返俾東京食糉啦
完全反正無期待之作

之後嘅話會期待《斉木楠雄のΨ難
可惜香港係唔會上嘅。
呃,又橋本環奈?
是但啦,呢隻樣都算漫畫樣吖
點都好過戲又麻麻樣仲要完全唔神似嘅藤原竜也
完全摧毀夜神月呢家嘢都仲未同佢算帳!
做咩唔似咩實在唔容易呢...
(演返人渣啦,咁先啱佢!)

講講吓兜咗半個地球㖭
whatever啦,總之呢套戲好好睇
有接觸過銀魂嘅千!祈!千!祈!唔!好!錯!過!

誠意推薦,就咁。

Comments