[大阪,美味しいね~] Day2:黒門市場、千日前、道頓堀、アメリカ村

除咗食,都係食。
黒門市場最方便就係
想幾時落樓食都得
早少少落樓就唔駛同人迫
不過呢度唔係好似築地
要凌晨五點就要覓食
九點幾左右先陸續開啲開啲
但係早啦就唔代表冇嘢食
仲要係比一般人食得更新鮮呢
...同埋做即劏吞拿魚嘅第一個顧客
個師傅未開鋪仲劏緊嗰陣
應該見我兜咗响舖頭好多次
終於有得食,佢仲送多兩塊とろ(感動)
啲魚仲係暖㗎陰功,新鮮到暈低喇~
丼嚟㗎,不過魚多過飯好多好多之嘛...

食飽海鮮都仲係好早
就算去道頓堀呀心斎橋嗰啲都未開舖啦
飯氣攻心,返上apartment瞓陣先
瞓醒又落樓,有啲口渴飲返杯豆漿
濃到爆,飽多過解渴 XDDD
諗住行去難波方向
點知行到千日前附近
りくろーおじさんの店個叮叮叮截停咗
啱啱出爐嘅cheese cake
仲要無人排隊
香氣飄到周圍都係
真係忍唔住要買呀呀呀
拎住成個蛋糕行街好掗拃
咪拎返apartment先囉
返到去擺低又忍唔到口要食喎
熱辣辣好好味 ← 呢種食法應該唔太多人試過
(之後再雪凍食,呢個先係真正食用方法)
食完再再再走出apartment
兜到去難波,覺得冇嘢行就沿千日前行
又俾香味迷倒 @鳥吾郎
呢個旅程唯一一次食嘅九州嘢
乜都想試... 梗係食兩溝啦
兩隻味都好食(ゆず味、しょうゆ味)
雞肉又香又軟好好食呢~
食開咗個胃又繼續食
たこ焼き ちゃぷちゃぷ @道頓堀赤鬼
呢度先有嘅放湯章魚燒
即要即整熱到爆燈
個湯係柚子味唔油膩
碌八爪魚腳同平日預先煮熟嘅唔同
係生嘅去同粉漿一鑊熟
所以個味更更更鮮,正呀
難怪佢會係Michelin推介店呢
除咗たこ焼き向大阪梗係唔可以唔食お好み焼き
不過一般粉漿嘅大阪燒好漏嘅
食就食又係Michelin推薦嘅美津の
要light啲卻味道維持高水準
就揀店舖人氣NO. 1嘅山芋焼
用淮山磨蓉代替小麥粉
食落香得嚟又輕飄飄
清楚食得出裡面加嘅海鮮配料(自選)
如果唔係仲要去食嘢真係想chur多個普通お好み焼き
奈何...
冇嘢做兜吓兜吓就兜到去冇咁多人嘅アメリカ村
見有啲攰咪搵個地方坐低 @PABLO
... 順便食嘢
係就係擒日食過佢嘅cheese tart刨冰
咁都想試吓個元祖cheese tart嘛
再再再想睇吓大件裝同mini版嘅分別
叫晒嚟試囉唯有,去旅行就係要呢份滿足呀

無衫要買無電器要買無藥粧品要買
即係逼我買嘢食嘢
去AEON定係百貨公司B1?
NO! NO! NO!
要融入當地生活
仲要係大阪呢個要買平嘢呀平嘢呀嘅都市
超級市場梗係要行遠少少去玉出啦(握拳)
咁就可以由黃昏行到天黑~
買完返apartment即食
啱啱熟甜到震

食完生果做乜好?
當然又走出apartment再食過啦
去邊都冇所謂就嚟返千日前



古早味雪條 @北極アイス
一直行路就要降溫嘅雪條
嗰一刻响佢同ほっぷしゅーくりーむ (Hop Chou A La Cream)揀
都唔知幾難取捨呀陰公
yeah!到咗食晚飯嘅時間
呢鋪食得勁喇 @天ぷら定食 まきの
價錢唔貴嘅天ぷら連鎖店
整得一啲都唔求其㗎
隻名物玉子天個炸漿唔係好厚又脆身
蛋白維持嫩滑個蛋黃仲要漏緊汁
好食到痴線,想喪爬飯但係其他炸物都等住我入口
結果,食好多搞到好飽


今晚skip宵夜喇瞓覺啦~

-----------------------------------------------


延伸閱讀:

Day1:黒門市場、道頓堀、心斎橋
Day2:黒門市場、千日前、道頓堀、アメリカ村
Day3:新世界、梅田
Day4:アメリカ村、難波、関西空港

Comments