[食道鉄道北海道] Day2:帯広 → 釧路

朝鮮廢青金仔一朝早又撳飛彈
隻彈一飛冲天去咗太平洋橫越北海道again
所以晨早就俾個警號嘈醒咗(捽眼)

咁落街食早餐啦...
あんパン @ますやパン 満寿屋本店
1950年响帯広創業
整個麵包裡裡外外都係用北海道原料製作
而就咁噏帯広可能唔易明白
其實呢度即係十勝地區
十勝產牛乳呀紅豆呀麥呀豚肉呀
係咪耳熟能詳得多呢?
食就梗係食呢間舖最古早味嘅紅豆包
麥味同紅豆味好出
個包唔會油淋淋
豆餡幼滑仲唔係好甜㗎咋,好好味~
幸福駅
今朝就會離開帯広
行程就變成去唔到廢棄咗嘅幸福駅
無所謂啦呢度都有個「小幸福」
但係嚟呢度唔係為咗呢個站仔啦
係為咗嚟買張スイーツめぐり券
張嘢係由帶廣觀光協會推出
向帯広呢個甜品王國
可以拎住呢張券
以極平價嘅五百円就換四間店舖嘅甜品
一共有廿五間參加就响度揀四間嚟食,出發~
先行到市區內遠少少嘅名店クランベリー本店
(since1972)
佢最出名係用成條蕃薯做嘅甜品スイートポテト
手臂咁長嘅佢,要冷藏加上食用期得三日
嗱嗱嗱咁樣冇可能做手信啦
因此,券嘅第一張就係响度食ポテトパイ
個pie嘅酥皮好多層好鬆脆
連埋啲jam食過甜度就啱啱好
當然最香最好食係pat蕃薯蓉!

食完就繼續行喇
見熱熱地就想食返杯雪糕
咁第二張券就係俾咗T-SWEETS (十勝野スイーツ)
要咗杯仔ミニソフト(ミルク)
奶味香嘅,就唔係最最最柔滑嗰種雪糕
呢種質地就挺身啲vintage啲咁

坐吓食吓雪糕之後又到食晏時間
嚟得帯広當然唔好可以錯過十勝豚丼
要去就去元祖店ぱんちょう
(since1933、昭和8年)
用炭火燒嘅道内産の豚のロース肉
炭烤味香醬汁甜肉有咬口仲爆香肉汁
哇哇哇!真係好好食~
食飽飽就去日本人以至香港人台灣人都好熟悉嘅六花亭
(since1933,again)
雖然甜品券係無六花亭嘅
之但係嚟到帯広又無理由唔去佢嘅本店
冇買港人至愛手信ストロベリーチョコホワイト
呢即係花花紙筒包裝用白朱古力包住士多啤梨乾嗰個呀
而買咗間嘢真正No. 1嘅マルセイバターサンド(左邊)
同樣包裝,見到係焦糖牛奶糖就忍唔住買嘅マルセイキャラメル(右上)
仲有唔少得花花包裝嘅酒心糖六花のつゆミニ缶(右下)
咁帯広本店係有當店限定嘅嘢
but吸引唔到我呀放棄咗轉身byebye
甜品券行程繼續
下一間都係名店呀:柳月
(since1947,昭和22年)
最特級100%十勝產原料嘅三六方係必入手(中)
三六方係朱古力皮包住嘅年輪蛋糕
買細細一碌小割就已經滿足
既然去得本店就唔會唔睇吓有呢度先有嘅嘢
呢條仔十勝大納言(右就係十勝地区限定
咁左邊嘅COCOこの実就係甜品券其中一樣嘢
新登場產品,試吓無壞吖~

然後拖行李由酒店去車站喇
無啦啦做乜响條街度有條路軌嘅呢?
原來帯広駅嘅呢個位先係十勝最初鉄道嘅位置
(since1905,明治38年)
最後一張券都係留俾雪糕
十勝しんむら牧場カップのミニソフトクリーム
除咗牧場之外只係得呢度有呢間嘢
牧場直營嘅牛奶雪糕
咁試多樣咖啡味都唔過份吖係咪
好啦,張甜品券嘅飛就用晒
只係剩返張ばんえい十勝嘅無料入場券
帯広呢度獨有嘅十勝短腳馬賽跑
冇呀冇特登去喇都唔啱睇
(香港嘅馬場我都只係去過啲馬會餐廳食嘢咋...)
繼續鉄道路程喇!
响帯広月台嘅兩架列車
分別為左邊既1709同右邊嘅1758
架1758同我將要去嘅地方係一樣嘅
但係佢係站站停嗰隻
車廂好懷舊呢...
好喇,上返我應該搭嗰架車先
帯広 → 釧路
特急スーパーおおぞら、283系
呢程車唔算長就咁冇買駅弁
唔食嘢又會悶嘛
响超市買咗抽提子
好大粒呀又甜仲係無核嘅
見到佢寫限量二百棵 x 特價唔會唔買囉呵呵
啊啊啊啊啊!太平洋呀~
不過車窗好污糟呢...
(之前落過雨嘛係咁上下㗎喇將就吓啦)
釧路(釧路駅)
當然又係先拖行李丟低响酒店啦
然後去幣舞橋等睇日落
可惜日沒位置超多厚厚雲
無可能睇得到最靚嘅橙紅色
是但啦反正相比暖色系我中意冷色系多啲
同埋好過全部係霧呀甚至落雨咩都睇唔到吖
講咩安慰自己都冇用
都係去食嘢最實際同最易cheer up
先去要自己燒嘅炉ばた煉瓦
釧路係炉ばた(爐端燒)嘅發祥地
咁冇可能唔食㗎嘛,仲要啲料咁新鮮呀
而呢間仲有又係釧路特產嘅鮭のちゃんちゃん焼き
好好食㗎,唔食又會對唔住自己
仲有嘅梗係唔少得彌補遺憾嘅夕日ハイボール
睇唔到咪飲落肚囉哈哈哈
唔用眼感受就用口感受一樣㗎啫
食完第一餐晚餐就去食第二餐晚餐
呢間嘢就叫咁炉ばた
(六十幾年歷史)
佢係真正嘅炉ばた始祖
所有嘅爐端燒食嘢就係呢個婆婆燒嘅(!)
材料新鮮到喊就必然㗎啦
由人生同煮食都有番咁上下經驗嘅婆婆烹調
就係將食材嘅美味推展到極致嘅滋味
呀,咪漏咗嚟到釧路唔飲會心痛嘅地酒:福司清酒
佢仲係用陶壺裝住响個爐側根㷫住
咁vintage嘅嘢冇可能唔試囉~

食完兩餐晚餐做咩好?
去食消夜囉!反正入夜嘅釧路係咩都冇得做冇街行只有食
走去食北海道炸雞配啤酒 @鳥松
係呀又係去元祖店
北海道嘅骨付きザンギ(帶骨炸雞)
同日本其他地方嘅雞肉波波球唔一樣
佢係將雞直接斬件加粉漿去炸
即係新鮮好多炸漿薄皮好多又好味唔知幾多倍版本嘅雞記
不過咁喎,北海道人話嘅炸雞係呢種
而唔係啖啖肉嗰種喎
好一個飲食嘅文化差異


真係飲飽食醉喇,瞓覺去...


-----------------------------------------------

延伸閱讀:

Day1:新千歳空港 → 帯広
Day2:帯広 → 釧路
Day3: 釧路 → 塘路 → 網走
Day4: 網走 → 旭川
Day5: 旭川 → 稚內
Day6: 稚內 → 札幌
Day7: 札幌 ↔ 小樽
Day8: 札幌 → 新千歳空港

Comments