[大阪,美味しいね~] Day3:新世界、梅田

為咗隻牛買咗個遊客版1-day pass
既然買咗pass咪去多個地方囉

地下鉄:日本橋 → 動物園前

先去新世界,食串カツ (串炸)
嚟得呢邊梗係唔係食串カツだるま啦
一來佢周街都有二來要食間再好食啲嘅
@八重勝
啱啱好時間去到就開門
隊都唔使排就入到去有位坐得食
樣樣都好吸引
即叫即整熱辣辣
個炸漿薄薄脆脆咁
裡面啲料新鮮(啱啱開舖就去好難唔鮮嘅)
除咗食串カツ
梗係唔會漏咗叫どて焼
通天閣
哎呀呀落雨呀
就算上去都無景好睇㗎啦
返轉頭走啦去飲杯ミックスジュース
當然係元祖店嘅千成屋珈琲
買外賣唔响裡面用玻璃杯飲喇
响隔離陽春啲坐好飲完繼續移動
阿倍野HARUKAS
大雨又大霧,莫講話通天閣啦
就算上到HARUKAS 300都冇嘢好睇㗎啦
離開呢區喇~

地下鉄:動物園前 → 梅田

落梅田站原本話唔買衫唔買衫
點知就俾GU對減價到¥690嘅摩洛哥拖鞋吸咗入去
要揀呀揀呀又買到扣稅㖭
跟住上樓上UNIQLO就覺得啲嘢好貴(!)
唔買喇,消耗完能量又去補充吓
いか焼き
嚟梅田一定要嚟阪神百貨店
排少少隊但係條隊去得好快
熱到爆呀舊嘢
又香又軟得嚟韌韌嘅質地
真係好好好好食呀~~~~~
ひつまぶし @鰻萬
响由GU到食いか焼き嘅阪神百貨店期間
係要經過阪急百貨店
兜過嘅時間見到水牌有鰻魚飯食
咁食完いか焼き之後反正冇嘢做又食開咗個胃
襯過咗午市人流高峯期就唔駛排隊
入去坐低慢慢食
ぐでらてアートほうじ茶
@ぐでたまかふぇ
話說原本諗住食完頭先個飯後
唔到晚餐時間都唔!食!嘢!
不過做人呢家嘢真係話唔埋嘅
行到摩天輪商場 HEP Five
裡面做緊抹茶館期間限定嘅蛋黃哥pop-up cafe
反正冇街要行冇嘢需要買
搵個地方坐下都好吖~
點解話要晚餐前唔食嘢?
因為今晚卜咗食神戸牛焼きコース(撒花)
要食又平同一定好食嘅牛
直營牧場就啱啱好
呢間叫神戸あぶり牧場
就係專登為咗食呢隻牛嚟梅田
同買張 1-day pass
但一切... 都係完全值得㗎!
哎吔,食得太太太多喇今日
宵夜食返最愛嘅グリコ アイスの実
芒果味,可以消消滯嘅... 應該... ...



呢個旅程最後一晚响大阪喇
依然係食飽飽嘅~(笑)

-----------------------------------------------


延伸閱讀:

Day1:黒門市場、道頓堀、心斎橋

Comments