[濟州,맛있어요] Day2:西歸浦 서귀포 ⇋ 中文區 중문관광단지

反正連市場都係晏啲開
瞓到飽先慢慢出發都未遲啦
先飲盒仔濟州牛奶頂吓肚

然後施施然坐600號巴士
中文觀光園區중문관광단지
個名係「中文」但係同「中文」(Chinese)完全冇關係
本來落車最近嘅濟州馬苑(제주마원)
點知佢冇開喎!
是但啦,好彩我仲shotlist咗另一間
當行吓個韓國館睇吓韓屋囉…

然後跳上的士,唔食馬肉住
去食鮑魚 @善良鮑魚착한전복

先食爽口嘅生鮑魚전복회
...連內臟都好鹹鮮香呢
再食石烤鮑魚전복구이
有好香嘅牛油同更香鮮味嘅鮑魚
同加咗甜醬油超惹味嘅醬油牛油鮑魚
肚仔餓嘛就叫多個熱辣辣鮑魚蔘雞湯매생이 전복 갈비탕
煮鮑魚爆嫩滑
而且個"粥底"有埋融晒嘅鮑魚內臟
好濃郁好香好好味呀

톡쏘는 제주감귤막걸리
呢隻比擒日嗰隻個酒味冇咁濃
柑味重啲甜啲再好入口啲

雖然食飽飽但係都唔想去附近參觀
呢個區有好多用錢堆砌嘅博物館
同有個比擒日更唔特別嘅瀑布呀公園呀咁

算啦,去Yellow Cafe (옐로우카페)坐吓啦
個yellow就係韓國國民飲料嘅香蕉牛奶
話說比首爾嗰間大啲
其實係得意嘅but講唔上哇好正一定要去咁囉
只不過係比去Starbucks好少少咁啫
啲位好好坐,舒舒服服(所以瞓著咗)
milkshake有雪糕同奶昔
冰咗嘅香蕉牛奶冇咁甜,都幾好味嘅


休息夠又走去食個早啲嘅晚餐
@中文新羅園중문신라원
係呀都係要嚟食馬肉呀

先嚟個調味生馬肉
佢個味撈得超香
搞到一啖接一啖停唔到口

再嚟份烤馬肉
冇任何調味就直接係馬肉原味
以為會羶啦點知真係諗多咗
有肉味不過仲未有牛咁濃
肉質嫩嫩咁都唔錯食呀

仲整多兜馬肉shabu shabu
薄薄片嘅馬肉淥一淥就食得
加埋醬油蔬菜湯底
個味就變得更甜
之後店員怕我啲生馬肉食得太慢而唔新鮮
就叫我掉埋落去淥
吖~ 碎濕濕一粒粒咁又幾得意喎
雖然本身肉已經調過味
個湯底自己又有另一個味
但係兩個味一齊一啲都唔突兀
又幾好喎!

우도 땅콩술
今餐嘅makgeolli唔係濟州柑

而係另一種濟州農產:花生
有淡淡酒味嘅稀花生糊咁,好香呀!

食完又搭返600號巴士返西歸浦
原本諗住試吓搭市內快車181、182號
不過又懶得去搵同行嗰遠少少嘅中區郵政局(중문우체국)

飽飽哋又去超市買吓嘢先~
冇咁飽喇咪落返每日偶來市場 (서귀포매일올레시장)食宵夜
夜晚果然多好多嘢 & 人
先去炸雞counter訂炸雞
拎張飛大概等九個字就返嚟攞雞
等食期間去食少少甜嘢先 @귤하르방
有熱辣辣造型好可愛嘅石頭爺爺雞蛋糕
同直榨濟州柑汁
個蛋糕仔內餡係濟州柑醬
係地道濟州風味呢!
癲㗎!超超超大份嘅蒜香炸雞 @중앙통닭中央炸雞
新鮮炸起好熱仲爆香蒜味
即刻拎返酒店食喇
兼開電視睇용화더패키지《the package》
酒店大床 x 大大部電視播容和 x 新鮮炸雞 x 酒
咪講笑!真係人生一大嘅享受~(心)
夜晚沖完涼想飲啲甜嘢
隊咗枝濟州產嘅飲用乳酪(홍스 요구르트
甜甜地又香奶味同OK酸,正!



食飽飽又滿滿足足咁瞓覺喇~

-----------------------------------------------


延伸閱讀:

Day1:西歸浦 서귀포
Day2:西歸浦 서귀포 ⇋ 中文區 중문관광단지
Day3:西歸浦 서귀포 ⇀ 濟州市 제주시

Comments