[濟州,맛있어요] Day3:西歸浦 서귀포 ⇀ 濟州市 제주시

今日要移動喇,瞓醒再慢慢爬起身執喼
咁做嘢前都要有啲嘢落肚嘅
濟州牛奶啦都係(另一個牌子)
執完梗係先要慰勞吓自己
秋天啦嘛,就係食嘅時候喇(sweet)

check-out咗擺低行李就去酒店對面食brunch
牙帶魚(w/鯖魚)@네거리식당
海膽海帶湯
滿滿嘅濟州風味
個人叉爆電就離開西歸浦
搭市內巴士281號去濟州市제주시
由南面返去北面喇
同600號兜山嘅外圍唔同
呢架係穿過個漢拏山(한라산)嘅
去guesthouse check-in完
放好行李响房就一支箭走出去
嚟呢個濟州最耐同最大嘅濟州東門市場동문재래시장
裡面有wet market有小食街餐廳呀咁
仲未係好肚餓就食雪糕
濟州除咗濟州柑仲有牛島花生
花生雪糕好香好好食
濟州柑依然好清新,兩杯都好味啦
原本諗住食埋蕎麥捲餅할망빙떡
點知舖頭响度嘢食响到店主婆婆都响度
但係佢响度瞓緊覺 Zzz...
好啦唔阻住佢喇搭車走人喇有機會先食啦

不帶走一片雲彩,跳上的士由舊濟州新濟州
早少少嘅晚餐食濟州黑豚 @黑豚家흑돈가 제주본점
五花肉護心肉,仲送豬皮㖭!
黑豚啲肉真係好好好香~~~
本來食烤豬皮應該飲燒酒嘅
可惜我真係對韓國燒酒唔大興趣
都係飲返makgeolli
食飽又係去買嘢食嘅時候
嚟到新濟州唔少得嚟Lotte Mart
再去埋emart
(個happycall好抵;suzy染髮劑半價呀唔係鍾意佢都啱買)
途中又去咗daiso다이소
係㗎喇₩1,000係平過¥108 (稅込) 呀
啱買嘅話其實呢度抵啲啲

買完嘢又搭的士返guesthouse「卸貨」(!)

再落樓搵嘢食先~
몸국 @호근동
嗱~ (原本) 真係唔知咩嚟㗎
只係見啲韓國人入去就跟住入
話說住响食街但周圍都係食燒黑豚
啱啱先食完冇可能又食㗎嘛
唔係黑豚嘅話就係炸雞
喂大佬我擒晚先食完超大份今晚打死都唔食㗎喇
入去前都有响出面裝裝吓
見到係兜狀物,濕濕地咁都幾啱口味
點知個餐牌全韓文
店員唔識韓文以外嘅話
是但啦求其篤一個啦
就變成呢兜濟州鄉土料理
豬骨 (+肉)嘅海藻湯
個味好香濃,非常足料飽到痴線
飽還飽,甜品胃繼續正常運作
宵夜2nd round就係佢:冰!雪!
yogurt cheesecake bingsu @TOM N TOMS COFFEE
哇哈哈哈哈好很大兜
大大球乳酪雪糕
粒粒芝士蛋糕仲有喪多冰雪
裡面仲有醬同cream
唔會超甜好漏呀咁,所以係食!得!晒!

食完就返去guesthouse收拾細軟喇(淚)

唞一陣就漏夜搭的士去機場
臨上機前check-in咗bag drop埋又去食嘢 XD
漢堡包仔 x caffè latte @Paris Baguette (Jeju Airport Mall)
居然响機場食嘢一啲都冇markup個價

check-in嗰陣counter突然upgrade咗

個位闊啲落機又第一個落
連拎行李都係最快出,so lucky~
(雖然响機度都係喪瞓)


短短嘅旅程就咁完結喇

短暫不過夠璀璨,仲好飽呢!(哈)

-----------------------------------------------


延伸閱讀:

Day1:西歸浦 서귀포
Day2:西歸浦 서귀포 ⇋ 中文區 중문관광단지
Day3:西歸浦 서귀포 ⇀ 濟州市 제주시

Comments