[食道鉄道北海道] Day3: 釧路 → 塘路 → 網走

擒日朝俾金仔嘈醒
今朝... 係俾海鷗叫醒

無計啦,又走落街食早餐啦
平日最討厭嘅濕笠笠街巿
而呢朝就特登嚟呢個和商市場(since 1954)
啲蟹係即叫即蒸即食嘅
不過今日唔係食呢樣
因為係食就梗係食又係釧路發祥嘅勝手丼啦!
所謂嘅勝手丼即係求其啦鍾意咩就咩啦丼
買完個飯見到咩海鮮想食嘅就叫店員擺入去
覺得夠喇(新鮮嘅海鮮係永遠都唔會夠)就計數
我呢碗有蝦有蟹有魚有海膽
係好好食同抵食嗰種
好滿足囉咪就係~(大大心)

有啲飯氣就出一出個市場周圍行吓
個市真心除咗食(同條日落橋)就冇嘢做冇嘢行
無聊到行JR站
先買駅弁,驚死係旅遊淡季嘅而家都會賣晒
逛到冇嘢逛連睇阿寒湖嘅大大球マリモ都可以駐足好耐
殺生養生物嘅我梗係買粒綠波波羊羹食落肚就算
買完駅弁同羊羹又行返去和商市場
見到有鹿肉食就忍唔住喇
鹿肉バーガー @喫茶ポラリス
同麥記靚啲嘅包咁上下嘅價錢
買到兩塊厚厚鹿肉漢堡肉嘅包包
個味一啲都唔羶
究竟要啲材料幾新鮮先做得到咁呢?
向市場中央咁啱撞正「秋の鯨肉普及キャンペーン
by 釧路くじら協議会
無料派發くじら汁鯨の竜田揚げ
個湯好多料呀仲解決到食完漢堡啱啱有啲口渴嘅狀況
而舊炸鯨魚仔又幾好食喎
無咩濃烈嘅味道肉都唔嚡嘅
食完少少嘢又係到食晏嘅時候喇
然後就行咗去和商市場隔離嘅釧路丹頂市場
魚醤味ラーメン @らーめん工房 魚一
唔... 講開北海道拉麵
通常而又最出名都係札幌旭川同函館
畢竟三大拉麵係有佢獨特之處
但係講真香港都容易食到
嚟得呢度就試更有特色嘅味
釧路拉麵相比以上三個都叫做排第四
可惜就無咁出名喇
佢嘅特色係細曲捲麵
湯底更特別,係魚!醬!
即係唔鮮就要byebye先嗰種啦啦啦

吖~ 食到肚撐撐
又係時候返酒店拖行李走喇
行去站頭敲吓個釧路駅湿原の鐘
唔知點解要敲㗎
可能就係叮叮叮咁話俾人聽我而家就出發去釧路湿原啩...
個鐘聲幾好聽,仲好響㖭!
個月台度仲有舊太平洋炭礦の海底炭
响海底... 好炭... ...
鉄道遊繼續進行中
搭呢個旅程中最特別嘅車
特別慢、冇玻璃窗、期間限定、有講解員同服務生
車頭係DE10嘅機関車

釧路 → 塘路
くしろ湿原ノロッコ号、510系
くしろ湿原ノロッコ号プリン
飽還飽,甜品胃依然正常運作
列車限定販賣嘅牛奶布甸
開車前食住等就啱啱好(滑~)
好好天 @釧路川,出發!
冇玻璃阻隔架車又慢慢開仲要天氣咁靚
好易影到滿意嘅相
嚟釧路湿原呢
好好彩加上啱時候先睇到丹頂鶴
今鑊係冇可能見到嘅
不過車廂裡面嘅服務生見到我呢個外國人
就好親切咁傾幾句
同埋送我呢隻拉條尾就會拍翼嘅丹頂鶴おりがみ
嫌天水圍太遠
未去過濕滯公園嘅我
竟然係先去釧路湿原睇濕地生態
(其實只係經過啫唔係親身接觸啦...)
正所謂搭飛機再轉火車都仲近過去天水圍
可想而知天水圍真係一個好遠好隔涉嘅地方(誤)
唔見啲咩特別嘅動物呀
冇鶴冇鹿冇熊呀只有一片綠同河川
夠靚啦都~~~
塘路(塘路駅)
無人駅,即係基本上冇職員駐守
今日嘅中途站嚟㗎啫
因為架慢車只係嚟到呢度
塘路 → 網走
普通列車,523系

釧網本線係冇特急車同指定席車廂
一節嘅列車同埋幾粒鐘先有一班
所以都幾多人坐差啲位都冇得坐仲要有個喼呢...
下午茶係釧路駅弁いわしのほっかぶり寿司
即係响釧路早早買定驚死冇嗰盒
無計啦,真係好好食呀佢
冇得食絕對係遺憾,OK?
搭呢條線最好睇嘅係風景
而最過癮呢我首選係啲車站
好似呢個南弟子屈駅
比頭先個無人駅塘路更冇人就梗㗎喇
個站嘅車站站房仲只係用一節守車改造就算
好得意呢~
都係用一節守車改造成車站站房嘅びるわ
好想落車浸吓佢個足湯
奈何又唔可以浪費多兩粒幾鐘
川湯温泉(駅),有機會先見喇
斜里岳カラマツ防風林
斜里岳同落葉松防風林一次過睇晒,好滿足!
沿著呢條鐵路
有個好特別嘅景...
右邊オホーツク海(鄂霍次克海、Охо́тское мо́ре
左邊トウフツ湖
兩邊都係水嘅鉄道真係好好好難得㗎(激動)
經過埋無人驛嘅臨時站:原生花園駅
細細個木造嘅車站仔
限時開放同開站嘅
網走(網走駅)
到今日要stay嘅地方
又到咗拖行李去酒店嘅時候喇
モヨロ鍋セット @網走ロイヤルホテル
唔係响呢間酒店住㗎...
不過呢間先有得食網走モヨロ鍋
呢個鍋呀嘛... 係網走當地料理
要符合10項標準先算係正宗
所以就算响呢度都唔係周街有呢樣嘢食

哎呀呀,嚟網走真係唔可以就咁食個鍋就返去瞓㗎嘛

至少都要飲吓網走ビール
@YAKINIKU網走ビール館
round 2
あばしり和牛上カルビ
間嘢叫得yakiniku即係要焼吓肉啦
所以仲燒埋成口油嘅網走和牛
宵夜時間就幫襯吓seicomart(終於)
有北海道產嘅芝士雪條
同都係北海道產嘅蜜瓜モナカ


返酒店舒舒服服浸光明石温泉
然後Zzz...


-----------------------------------------------

延伸閱讀:

Day1:新千歳空港 → 帯広
Day2:帯広 → 釧路
Day3: 釧路 → 塘路 → 網走
Day4: 網走 → 旭川
Day5: 旭川 → 稚內
Day6: 稚內 → 札幌
Day7: 札幌 ↔ 小樽
Day8: 札幌 → 新千歳空港

Comments