LOTTE - 歯につきにくいガム<記憶力を維持するタイプ>

冇記性冇耳性口多多
何時才能期望一一改過

咁首先「治療」吓冇記性呢個問題先囉
LOTTE - 歯につきにくいガム<記憶力を維持するタイプ>
隻香口膠以イチョウ葉(銀杏葉)抽出物為主
呢樣嘢係對心臟呀腦呀血管好啦
可以預防阿茲海默症咁喎

個效用得唔得我真係唔知
因為我呢啲不嬲都係「要決心忘記我便記不起」

算啦,食食吓又分分鐘唔記得食
同埋無啦啦邊有咁多貨响手呀?
一日一整pack喎…

手上嘅貨都係胖虎同事買㗎
响北海道嗰陣响便利店見過一次咋

效用唔知食落個味道就好清楚
用甜嘅薄荷味去㩒住銀杏葉本身嘅苦味
一句講晒:唔好味!
(粒裝個脆皮面再甜啲)

條裝 (金色)比粒裝 (綠色) 多少少玩味
有啲小記憶遊戲玩吓咁

試吓gimmick嘢係OK嘅
如果真係要醫嘅話去睇中醫啦都係
响日本嗰陣電視到睇到㗎
完全感受到咩叫有得睇冇得食...

Comments