[C'mon 関門!] Day4: 小倉 ↔ 若松 ↔ 戸畑

一月十日,圍繞身邊嘅事就係十日ゑびす大祭
出發前要填飽肚仔
先食一個昭和年代到而家都係咁樣嘅
シロヤ - オムレット
然後再行前少少
il FORNO del MIGNON (ミニヨン 小倉店) 留住腳步
好啦,食件仔クロワッサン (croissant) 先啦
穿過平和通就見到旦過市場
YES!繼續搵食去~
响林羅滿目但係未開晒食肆嘅市場入面
揀咗件岩田屋水大福頂吓肚
件大福真係濕濕哋㗎
第一次見同食嘅我覺得呢樣嘢好新奇
行到市場尾尾かしわ屋くろせ
見佢今日限定係かぼちゃ コロッケ
冇計啦又再食多少少嘢先啦

好喇!食吓食吓响旦過再兜吓兜吓
終於啲食肆開喇喇喇(感動)
嚟到一間叫みらく嘅活魚直送餐廳
食呢碗名物特製海鮮丼
一碗裡面有成八款新海鮮
加埋隻靚蛋黃,冇唔好食嘅道理就係啦
响諗住搭JR出走小倉之際
就撞到小倉十日ゑびす祭『宝恵かご道中』嘅一行隊伍
其實今日係第二次見到佢哋
唔同嘅係呢次見到佢哋點「祈福」
搭JR,由小倉到戸畑
一落車响個站到就已經見到紅噹噹嘅若戸大橋
1958年開始興建嘅佢係日本大橋嘅鼻祖啊
今次冇踏足呢條橋
係响佢下面搭船:若戸渡船
順便過對面岸若松
(冇錯個焦點都係响條橋度!)
天色暗暗好多雲咁
唔係落雨呀,其實係落緊雪
呢度冇積雪住;山上先有
行去若松恵比須神社
諗住參觀吓呢度嘅十日えびす祭
不過原來for參拜為主
攤檔... 只係得呢度咋 TT
所以响 (若戸大橋) 橋底唔係食炒辣蟹
well,相信就算想食都冇得食
食嘅係梅安餅本舖嘅熱辣辣梅安餅
若松呢邊係舊工業區
因此所謂景點都只係啲荒廢嘅工廠
冇嘢好做就搭返船返戸畑啦
等船嘅時候就行吓
唔係話呢啲舊嘢唔靚
只係覺得唔特別啫
裡面又冇嘢玩嘅...
臨走都係會被條橋吸引住

點知返到戸畑都係冇嘢做
行咗陣依昂囉
不過啲嘢同平日嗰啲冇咩分別
咁買包冬天當造嘅長崎いちご食吓就走喇
再搭JR返小倉
下午茶就响小倉鉄なべ餃子
仲好特別咁試咗響札幌到冇見過飲過嘅sapporo lager beer
食開咗個胃又想再食嘢
JR站有前排過江嚟香港嘅八天堂 (from 広島 )
當然係食くりーむパン
佢都冇其它嘢賣係睇吓食咩餡之嘛
晚餐就晌居酒屋魚マルシェ解決
吖~ 飲飲食食嘻嘻哈哈咁時間就好快過
心靈同肚仔都飽足
一日梗係未完啦... 都未食雪糕!


食完先可以去瞓覺㗎嘛,哈哈哈~

-----------------------------------------------

延伸閱讀:

Day1:福岡空港 → 小倉
Day2:下関 → 門司
Day3:長門 → 下関 → 小倉
Day4:小倉 ↔ 若松 ↔ 戸畑
Day5:小倉
Day6:下関 → 小倉
Day7:下関 → 門司 → 小倉

Day8:福岡空港

Comments