[C'mon 関門!] Day7: 下関 → 門司 → 小倉

仲諗住早起的人兒有魚吃
點知,我錯喇...

一朝早起身由小倉搭JR去下関
再轉巴士去唐戶市場
(即係同Day 2同路線)
點知,太早喇除咗賣ふぐ刺し開咗
其它都要九點半先會賣嘢
食完兜刺身都只係九點咋陰功
唯有出返去晏啲再食過
先去市場對面嘅関の氏 神亀山八幡宮兜個round
呢度有個全世界最大嘅ふくの像
整咁大舊青銅ふく
應該得呢度嘅人先咁無聊啩...
再逛逛旧下関英国領事館
一場嚟到,除咗參觀(入場無料)
仲坐响二樓嘅restaurant Liz食件餅嘆杯茶
然後慢慢行返去唐戶市場
...食丼丼丼
& 飲湯湯湯
食飽飯就離開市場(byebyeふく)
臨走前都係會encoreふぐひれ酒
暖笠笠揸响手度
吹住臨海風都唔覺凍
向住関門橋嘅方向沿海行
然後就行到去割臺灣出去嘅日清講和記念館
隔離間春帆楼就係簽下関条約嘅地方
而家係一間食好貴ふぐ餐廳
(同魚唔同命...)
再過埋隔離嘅赤間神宮
繼續沿海邊行到去立石稲荷大明神
就到関門橋喇,超近距離呢!
遠望見到原本可能會去嘅火の山
但係呢個時間絕對唔想吹山風
加上個天色又唔係好靚
唔需要上山睇景啦
橋底亦係壇ノ浦古戦場跡
即係寿永4年(1185)源氏同平家嘅最後戰場
再搭𨋢落地底去関門トンネル
由本州行海底隧道去九州
出發前chop下関嘅半邊印仔
(特別鳴謝衰tak隻衰仔手深情演出。)
第一次用腳走去另外一個縣
仲係一個島 (本州)行去另一個島 (九州)
chop埋另外一半嘅福岡印仔
終於完成一個完整嘅印
呢個印真係全日本最難chop得靚啊
嚟到門司都係抬頭望住條関門橋
行到関門海峡めかり駅
不過潮風号十二月到三月中都唔開車
冇得搭就睇吓呢度架更舊嘅車
昭和時代嘅かんもん号(EF30の1号機)
咁就沿著海邊响門司港方向啦
(經過関門橋橋底)
親水広場 (又)咁啱見到條ブルーウィングもじ打開
一定要集郵嘅banana像
然後就用埋関門遊遊チケット嘅最後一場卷
関門海峡ミュージアム
好驚喜嘅一個館
忽然加深呢樹歷史嘅地方
ふぐのおりかた
仲有得自學摺雞泡魚,哈!

玩到人哋閉館喇
出館後兜一兜完全冇嘢行嘅栄町銀天街
咁就不如去食嘢啦
元祖瓦そば たかせ瓦そば
同飲埋响門司港地ビール工房都冇飲過嘅
門司港驛ビール
食完そば就搭JR返小倉
日日見到個湖月堂大大個招牌
(明治28年創業)
就想試吓佢嘅栗饅頭
未食完已經想大聲爆粗,完。
今晚食嚟自大阪嘅屋台居酒屋 満マル
先隊杯啤解甜順氣先
終於唔係去便利店買雪糕
因為最後一道菜係雪見だいふく 串カツ
即係串!炸!雪!糕!

好喇!呢餐就係今個旅程嘅最後晚餐(宵夜)


啊啊啊~ 聽日就要返去喇...

-----------------------------------------------

延伸閱讀:

Day1:福岡空港 → 小倉
Day2:下関 → 門司
Day3:長門 → 下関 → 小倉
Day4:小倉 ↔ 若松 ↔ 戸畑
Day5:小倉
Day6:下関 → 小倉
Day7:下関 → 門司 → 小倉

Day8:福岡空港

Comments