「觸感生情」- 第五屆香港觸感藝術節

當你睇緊我打嘅呢啲字
就證明你並唔係失明
然而有好多人唔似我哋咁睇到嘢
平日用眼去睇雕塑、睇表演
失明人士又會點去欣賞藝術品呢?
今次就從佢哋角度出發去接觸藝術~
場地,就係响呢個倉裡面
缺少咗一種感覺(視覺)之下
會令觸覺聽覺甚至嗅覺更敏銳
視障人士同其他人一樣
生命都係需要呼吸溫度關係呢五種元素
唔係只係我睇到呢份嘢㗎
場刊有大字版 & 點字版本嘅
counter係放物資等嘅集合處
佢嘅身後面仲係個展館
通達藝術欣賞
除咗一般認知嘅觸感書
有點字同凸起嘅圖畫
展出嘅書有嚟自美國韓國同日本
而呢度就講解咗視障人士係點感受藝術
好喇,戴住眼罩拎埋白杖
就由視障嘅導賞員帶入藝術倉喇!

漆黑一片嘅環境

導覽團有A、B兩場,展品都唔同
每樣藝術品都係由藝術家同視障人士一齊整嘅

A場(四套藝術品)

關於食  作品:聚餐  
(張啟富、黎振寧、姚君豪)
由聲音「帶路」,試吓以視障人士嘅角度去... 飲茶!

關於關係  作品:八件小事
(袁永賢、鄧子朗)
戴上headset聽吓摸吓日常事
有啲係所有人都接觸到
而有啲原來視障嘅話仲可以咁樣做,長知識了!

關於溫度  作品:被窩的溫度
(程雪君、陳裕君)
有得攤呀瞓呀拎起裡面啲嘢fing fing吓
响香港好難得可以咁樣「玩」作品

關於關係、溫度  名稱:
(黃鳳芝、黃美芳)
呢件非常有驚喜
有溫度嘅展品
摸完揸完會由心暖出嚟

B場(五套藝術品)

關於呼吸  作品:呼吸的味道
(張運澄、梁曉然)
只係用眼睇嘅話
會唔會就忘記咗件嘢本身嘅氣息?

關於呼吸  作品:自由的空氣
(逗點、陳彥璘)
一次過用身體感受唔同場景嘅濕度、氣流、聲音

關於呼吸  作品:睡眠的斜視
(楊秀卓、盧勁馳)
去感受吓一個睇唔到嘢嘅失眠夜

關於溫度 作品:非凡時刻
(林董儀、梁以瑚)
體驗指尖每一個觸碰

關於食  作品:舌尖的思念
(嚴美媚、何敏儀)
有得玩有得食,仲有得take message

每場一粒鐘,响導賞員指示下重見光明。

非!常!值!得!去,真心推介!
展埋今個星期咋,要去就報名啦

Comments