小松美羽個展 | Miwa Komatsu solo exhibition

諗起神獸,腦海自動浮現住响戈壁嘅草泥馬
定係突然間就會醒起嘅金翅⊗⊗鳥?
鍾意畫佢睇到嘅靈同神獸嘅小松美羽就畫呢啲
龍,兩條。
今次展出嘅都係佢近期嘅作品
2018年先過咗三個月
但大部分畫作都係今年出品
真係好多產嘅畫家(嘻)
叫得神獸系列當然係由動物而成
除咗虛構但係老是常出現嘅龍之外
梗係有賭仔當神咁拜嘅馬啦~
驟眼望落啲神獸係有啲恐怖
不過佢哋用色好繽紛
忍唔住再望多幾眼
神獸出沒注意,呢隻响水底
畫家最鍾意嘅守護犬
有friend子㗎,唔係孤獨嘅神嚟㗎
响河到玩緊
好開心咁喎你
有冇人會好似我咁覺得你有啲似風獅呢?
(係喇我知,風獅响沖縄小松美羽係長野県人嘛...)
門神擺法嘅貓貓狗狗
另一邊嘅對稱畫作
呢set啲底幾金喎
唔通係高級別啲嘅神獸?
就算係清淡嘅構圖用色
抑或深沉至繽紛嘅顏色
佢嘅每幅畫,都見到花好多心思去描繪對眼
所以望落好似好有靈性咁
(亦同時有種懾人嘅恐怖感...)
其實佢嚟畫畫嗰日我有兜過H Queen's㗎
不過見到超多人冇可能睇到就即刻華麗轉身之嘛
係嘅,係慕名想睇吓件白道袍變成彩色會係點
相比幅畫鍾意件袍多啲tim... 哈哈~
(畫作留得住,件衫一期一會吖嘛)

Comments