[board game] 厭世動物園《動物大逃殺》

清明,悼念仙遊咗嘅先人之外
不妨以遊玩方式去正視動物絕種問題…
用色好灰,玩完都覺得好灰
厭世姬筆下隻隻都係眼神死喊晒口嘅動物
而呢批仲係臺灣瀕危類嘅物種
棋盤呀棋呀骰仔呀mission card呀
同個墳墓...(w/哀號)

玩法係揀好動物
每round完成mission
就係生物嘅基本:巢穴呀食物呀水呀嗰啲
然後完一round,隻嘢仲未餓死渴死
就開始人類嘅城市發展
即係如果要起石屎嘢
成個area都會冇晒生存嘅基本嘢
隻動物咁都仲生存到
就繼續移動玩嘢食搵水飲
當然,對手(其他動物)都係同你一樣唔想死
都要搶水搶糧之下
就可能會阻到你搵食

一係你就餓死;一係就俾其他動物殺死
再唔係就係俾城市發展下橫死掂死

越玩會越嬲同會好絕望嘅game
咁點解玩得咁唔開心都要玩?
做人就話只係咁樣會唔開心啫
但係諗吓啲動物… 佢哋真係會冇命㗎!
以呢種求生不得求死不能嘅手法嚟表達已經算輕鬆
希望唔好真係當玩吓就算
諗諗方法點樣令現實中嘅動物可以生存落去啦~

Comments