香港潑水節 泰國新年市集 @D2 place

今年嘅香港潑水節同泰國嘅一樣玩三日
今日呢,就先响市集兜兜吓睇吓有咩食玩買先!
好似翟道翟形式嘅市集
唔同之處係有!冷!氣!
同一直播住好好un嘅泰文歌
入到嚟先有盤泰式花藝
可以隨心浴佛
(我冇宗教信仰就唔特登玩喇)
而叫得泰國市集
齋讀字都知呢度嘅嘢都係泰國嘢啦
有泰國品牌嘅products啦
又有泰國嘅天然嘢skincare
呵呵!有泰國傳統衫
可以扮吓地道更應節
(租衫嘅隔離仲有得化妝!)
喔!色彩繽紛嘅夏威夷恤
原來都係泰國喜慶服飾嘅一種
平平哋買返去,過兩日玩潑水都易着易除啊
哎吔,駛唔駛臨急抱佛腳去學泰文?(哈)
整靚咗個樣換完套泰國衫就搵吓食喇
爆谷平日睇戲就食唔少有咩特別啫?
佢係冬蔭功味㗎!
係嘅,如果有心搵出面都有預先包裝嘅賣
所以呢樹嘅冬蔭功爆谷
係新鮮爆完即加味
食落真係熱辣辣,仲勁香呢
不過講香,泰國嘅青咖哩就堅香
呢兜青咖哩米線(by 小曼谷)
滿滿香料雞肉同豬紅
最最最緊要係個青咖哩汁
椰汁香葉辣椒嘅味道香辣得超有層次
連平日no thanks米線嘅我
伴住啲咖喱汁就食哂佢哋
唔食得辣嘅我就流吓鼻鼻咁食
但係佢真係辣得好過癮
辣就過隔離攤飲&食滑溜溜椰子
泰國近年好興呢味嘢
將成夠椰子仔去殼
留返整個圓碌碌好可愛嘅椰子肉同椰水
椰肉香甜椰水清甜又解渴解辣呢
吖吖吖!四月開始芒果同糯米都當造㗎
啪返個芒果糯米飯就啱晒
飽得滯食唔到太多嘢...
又好多檔都有嚟自泰國嘅零食
好多好多唔知點揀
反正啲嘢都幾平
買多幾款都唔肉赤
(嘻嘻連我都咁豪氣好少有㗎)
食完逛完有啲攰
chisin㗎呢個市集仲有古法泰式按摩呀!
個市集今日開始嘅
聽日同後日都仲有㗎
不過聽日我會過埋D2 two 睇泰國時裝show
同埋去睇water angel mini嘅選美比賽


sawadee ka~

Comments