崔正紋 최정문 - DOUBLE VISION

一般光線都係觸摸唔到...
但交喺藝術家手上就唔同講法!
入去韓國藝術家崔正紋嘅光、線空間
Fault, 2018
入場直望已經見到佢
白色嘅底,遠睇覺得佢係一個懸浮嘅球體
近啲睇就望到個黑色圓形
中間俾條斜白色線劏開
(可以除鞋換拖鞋行入去睇)
响相度睇落似平面
所以作品呢家嘢真係親身睇會好啲
從另一個角度睇
雖然由側跟睇,成幅構圖就亂晒
不過就會見到件作品
其實係由好多好多條線而成
一條條嘅線係由最後一層一路向前排釘上去
佢哋唔係就咁水平直線
係唔規則咁放上去
加埋啱啱好嘅黑 x 白
先成為呢件作品㗎!
去完光亮淨白肌嘅空間
走入黑房 x UV燈嘅空間
Double Vision, 2018
係藝術家近年嘅signature作品
唔同場地啲線呀光呀用色都會有分別
用燈加埋線形成清晰紋路
感覺上藍色係面層綠色就似陰影層
成個空間好似靜止咗咁
但係又可以隨意行走
啲光線明明係靜態
不過行入去慢慢感受
又覺得佢哋好有動感喎...

如果著淺色衫褲行入去
同啲線一齊睇埋去會再過癮啲
黑房裝置係有兩個出入口
另一頭係藝術家嘅其他作品

一黑一白嘅裝置
用咗唔同光&線製造嘅空間
禪味中帶住科幻感
仲可以置身其中帶嚟玩味
靜態冥想同動態玩樂都好合適呢~

Comments