城巿閘誌 | HK Urban Canvas(深水埗篇)

睇雜誌响室內睇;睇「閘誌」呢?要出街睇!
深水埗篇嘅導賞起點係新亞書院
唔係而家中大馬料水嗰個
係原址(隔離)嘅舊址
戴好耳機,出發!
跟住導賞員,由佢去口述呢度嘅歷史
深水埗以前係有成行成市嘅布行
咁布碎嗰啲就去棚仔度搵
(based on政府唔收地嘅話...)
個深水埗警署基本上同呢個tour無關係
不過其實佢嘅建築同歷史都係呢度嘅一部分
唔應該俾人忘記㗎...
講開以前深水埗同製衣嘅關係
又唔會唔提吓啲細細山寨廠
終於到第一間有畫閘嘅舖
但係佢有開舖,可以用app睇
或者去返展覽場睇相
再唔係就搵日佢唔開舖先睇啦
祖記 by Smile Marker
吖!又係開咗舖
但係都駐足緊因為要聽導賞員講舖頭嘅歷史
終於有冇開舖嘅舖頭
專入靚布嘅綸華布業公司
呢道閘用app嘅AR對準
仲會見到把鉸剪剪布嘅動畫
tour最後有呢間單車舖公棧單車
呢間响戰後一年就已經開業
老闆娘仲好好見我哋一行人嚟
就拉閘俾我哋影相
然後有講有笑咁
老區就係有老區嘅人情味
個tour完咗又自己行吓
行行吓見到Smile Maker畫嘅國興針車公司
呢間唔係一般賣衣車嘅舖
而係自行生產工業衣車零件
老闆自己研發衣車零件繼而創立呢度

都係呢句... 呢篇會keep住update
直到有一日影晒呢批閘嘅
(我就係要親身去睇)
除咗呢間俊興行
因為棟樓而家比呢張相仲搭得多棚
短期內冇可能影得到
所以show住展覽館將相先。

好!再去另一個地方喇!

-----------------------------------------------

延伸閱讀:

城巿閘誌 展覽 | HK Urban Canvas Exhibition

城巿閘誌 | HK Urban Canvas(灣仔、上環、西營盤篇)
城巿閘誌 | HK Urban Canvas(旺角、油麻地篇)

Comments