欅坂46 - 不協和音

話說今日又到呢個blog嘅週年誌慶
依然係冇抽獎冇嘢送冇嘢睇亦都冇人睇
有時懶得寫就由得佢哈哈…
不過冇咩所謂,已經係足夠自high咪OK囉

其實由半年前就已經係想將呢度轉型
好可惜懶癌發作唔好話將啲文搬屋
就連字都變成唔想打
搵一日冇咁懶嘅話(?)
可能就會有新嘅嘢出現
網址唔改,所以應該冇咩會變
自己期待吓自己會有真係改嘅一日啦
(因為冇人會有呢個期待)

而同一日,係我繼續响呢間混帳公司做嘅第八年
同初初入職嗰陣嘅好上司唔同
如果要講調咗部門嘅情況下
貼切地形容同上司嘅關係就只有呢首歌…
嗱,本身首歌嘅旋律幾好聽
啲妹妹跳得好型兼好睇
最最最重要都係啲歌詞啦
↑↑↑
懶得搵翻譯,有台版字幕

雖然上司依然難頂
但係工作性質算可以
再加上班同事真係好好
呢嘢堅難搵㗎嘛
所以繼續收住呢份低薪人工準時收工享受生活

呀!唔漏得非常緊要嘅今日
HIMHIM生日!!!(撒花)
呵呵呵食餐好嘅先啦啦啦~

Comments