[小島怡情] 坪洲 (日日為食坪洲團) → 欣澳

Mmm... 如果唔係有個陪行嘅tour
我應該係唔會嚟呢個咁悶嘅離島
坪洲
係咪都搭船入架啦
通常啲人都會由中環去
不過其實由稔樹灣入會舒服啲
睇你點睇啦…
本身碼頭嘅指示唔會好清晰
但係船頭雞乸咁大隻字
咁都望錯梅窩船嘅話我都幫你唔到
啊!就係參加咗呢個冇嘢食嘅「日日為食坪洲團
係香港同印度嘅藝術家交流活動咁啦
咁坪洲真係冇咩好講
係客家潮州蜑家三分天下嘅島
興盛時期係响好多年前做廠嗰陣
話說呢間好厲害嘅火柴廠
請二千幾人入嚟坪洲打工咁
而家當然冇晒啦
又會填海起堤壩起啲公共設施起吓樓咁
唔太現代又唔多舊嘢冇咩島特色
個tour guide話老島民介紹嘅舖頭涼茶
(然而佢自己係冇幫襯過)
飲咗銀菊露同手上呢支夏枯草
似屋企用心煲嗰啲,真心唔錯嘅
好啦!個鎮仔無咩好做啫
(數得出嘅五間菜檔兩檔賣豬肉賣海鮮同麵包舖三間泰國餐廳同一堆冰室,完)
佢都係一個有山頭仔嘅小島
所以個團嘅大部分時間係行康樂徑
話說如果明日大愚堅要夾硬嚟
呢度望出去嗰個小小島就GG
呢舊係Snoopy石
而眺望出去係迪迪尼
澗山涉水爬石後會有好風光
270度海景!
個tour好隨心,可以坐吓攤唞吓嘅…
行呀行就差唔多完個tour返市中心
完場前有龍眼同荔枝土炮
係住响呢度嘅日本農夫自家釀製
荔枝清甜龍眼豐厚甜味濃郁
可惜釀造時候未夠
夠嘅話會醇厚好多呢
另有客家黃酒,即係煮雞酒嗰啲
同樣未到完釀日…
個藝術日除咗個tour仲有展覽
轉轉相係其中一樣
叫得香港 x 印度藝術交流
咁當然會有嚟自印度藝術家嘅作品
中間係心臟紅水扮血碟上係呢度嘅海鮮剪影
好喇!真係冇嘢好做就搭返船出愉景灣
搭巴士去欣澳唔走回頭路返東涌
同坪洲冇晒工廠一樣
欣澳個木廠都byebye咗
是但啦咁睇水咪冇咩阻隔
咁樣睇埋日落啱啱好…

Comments