登堂 Downtown

冇酒牌就冇得嗌酒
drink menu裡面有果茶台式甜嘢同咖啡
覺得果茶唔夾食台式嘢飲太甜
夜晚唔想飲咖啡
仲有礦泉水同有汽嘅水
就係冇一個侍應老闆有諗過斟杯house water出嚟
驟眼睇,真係以為自己係去緊啲比花園金鳳更低層次嘅地方食嘢
然而… 唔係囉diu~
頭盤嘅生蠔,新鮮嘅有蠔香同海水味
唔需要落咩檸檬茄醬都啪得落
都係頭盤嘅忌廉青口
高質呀!個汁唔係一pat白色厚麵粉同牛油base嗰種
而真係稀身鮮忌廉嘅汁
講緊嘅高質其實唔只講個汁
係隻青口本身真係好掂
佢並唔係一般平時啲全熟青口
半生嘅,咬落帶香兼軟滑
配埋個唔會過濃味嘅汁就just right
是日例湯係甘筍湯
夠滑而唔係heavy嗰隻
麵包OK啦,唔驚艷嘅配湯包咁
最令我覺得嬲係呢樣!!!
呢個,係餐同餐之間用嚟清喉嚨嘅莓雪葩
之前响食法國餐(@法國&越南)都有咁食
舊雪葩好好味嘅所以問題唔係出响食物度
而係「你俾得雪葩嚟清喉嚨點解連杯水都唔俾我?!」
主菜,medium rare牛扒
肉味香質地嫩唔會太肥,幾好食嘅
另一道主菜係慢煮西班牙黑豬腩
睇落好肥食落覺得少少肥
咁又因為啲豬膏而香嘛
入口即化喎
加埋右上嘅甜味微酸嘅蘋果蓉一齊食就啱啱好
講creamy嘅話左邊嘅薯mousse就堅揪滑溜
裝响碗當湯飲都冇問題嘅滑度呢!
甜品係芒果拿破崙
個酥皮硬咗少少又overcooked咗少少芒果酸咗少少咁囉
唔OK㗎仲要係水都冇杯嘅情況下食的說…


啲嘢食基本上係OK至好OK嘅程度
如果有人去附近嘅話我都會推介呢間嘅
不過冇得飲酒時又冇水飲嘛
雖知道只係暫時未拎到酒牌而冇酒
但係對於食嘢冇嘢濕吓口嘅情況
(加上對我嚟講唔太就腳)
要再返去食嘅機會係有啲微嘅…

…話說我一出餐廳一搭扶手梯已經拎起水樽飲水
唔係味精口渴嗰種
只係覺得個口濕度唔好太低啫~

Comments