[飯] SUPERDON (スーパー丼) - 特上北海道海鮮丼

因為工作而好很嬲
但係如果只係為朝九晚五生活去死腦細胞就實在太唔值
好啦!咁食返碗凍嘢冷靜吓同cheer up吓~
特上北海道海鮮丼
有齊劍魚吞拿魚腩帶子三文魚籽同海膽
刺身同帶子都係肥厚厚貨色
口爆子味道香卻唔會過鹹
海膽味唔係非常濃不過都夠香
醃蘿蔔同牛蒡爽脆
就連wasabi都唔算求其管裝唧出嚟嘅貨仔
飯夠同唔會濕黏度啱啱好
成碗嘢料新鮮底扎實冇嘢唔鍾意
生活嘅嘢就係咁
就算唔想做嘢食白果
然而响menu見到鹽燒白果串都係會嗌嚟食
新鮮嘅食材同烹調方法就係純粹又好味
(後面碗鰻魚丼都唔錯呀)
食完嘢隊埋啤雖然都係消唔到工作啖氣
畢竟都放咗工,要嬲都聽朝九點先準時嬲啦…

Comments