[釜山短eat trip] Day 2:錦繡河豚 | 海雲臺海水浴場 | 皇帝潛水艇 | Molle Cafe | 釜山烤肋排

瞓醒又去食嘢喇…
住嗰間宿係包早餐
有牛奶麵包嗰啲
亦都有家庭必備即食麵(要自己煮)
個麵底幾夠韌湯底都唔錯
不過碗麵唔係我嘅,黐咗一啖嚟食啫
(我只係沖咗杯勁多鮮奶嘅咖啡)
因為唔想塞呢啲嘢嘥個肚嘅quota
等佢食飽洗埋碗就正式出發喇
금수복국(錦繡河豚)
今次嚟釜山最主要係食上次嚟呢度冇食嘅嘢(彌補遺憾)
好似稻草盲鰻機張蟹嗰啲
同埋呢一樣:河豚
間嘢開咗超過40年又24小時營業
想幾時食都得,所以就揀一朝早去食
最緊要試係韓式鍋煮嘅版本
然而鍾意茹毛飲血嘅我亦都有貴一貴試咗冇咩人嗌嘅刺身
視三高為無物仲叫咗份煮白子
好滿足~~~
食得飽又係要行吓行吓嚟消化 @해운대해수욕장(海雲台海水浴場)
去到西面(서면),呢邊入宿係self check-in嘅
不過一直入唔到密碼…
是但啦!拎埋行李走去食嘢先!
大堆頭嘅황제잠수함(皇帝潛水艇)
招牌係有龍蝦但係我唔鍾意食龍蝦咪唔嗌有龍蝦嗰啲
Mmm... 大堆海鮮加隻雞
啲海鮮都新鮮嘅,可惜對我嚟講唔太驚艷
即係濟州風車雞海鮮鍋嘅唔同形狀兜嘅版本
(仲少好多靚嘢的說…)
係有啲失望嘅,仲會discourage人哋去呢(遠望)
食得太~ 飽~ 搞到差唔多晚飯時間都未食得落嘢
好啦!去fill吓個甜品胃啦
呢間Molle Cafe嘅裝潢、嘢食同氛圍都好IG-able
而且啲嘢食嘢飲仲好高質
…值得等待嘅pancake(心)
夜多小小食得落嘢喇就梗係要啪個宵夜啦
부산쪽쪽갈비(釜山烤肋排)
超!級!好!食!嘅豬肋排
辣同唔辣各有各好食
原味肉汁全封响肉裡面
加埋微焦嘅表面真係勁勁勁勁香
辣味係加咗醬,面頭冇咁乾身
讚呀!!!
食飽飽就企街頭睇人唱歌
佢哋把聲好正啊~~~


哎吔,好唔想返去瞓奈何捱唔到夜呢(淚)

Comments