[日] 鮨千寿

呢個世界冇咩嘢比起食好嘢搵啱嘅人食更好嘅一餐…
响香港食日本嘢,料夠新鮮酒就好飲friend夠夾就已經perfect
(係喇食超好日本嘢再同佢去日本囉!)
白象拔刺身
細細個食象拔蚌刺身已經係粒切
而呢個係條切嘅試吓冇壞
(如果係片切已經覺得唔入流果段KO)
香味有嘅又夠爽口唔錯唔錯
海膽魷魚卷
魷魚夠鮮黏黏比澳州海膽唔好預好濃味
(雖然friend子覺得海膽比魷魚濃味的說)
都算香送酒會幾好

but... 酒呢?
終於終於到嘅酒:山丹正宗 純米吟釀
仲要“奇特”地拎白酒杯嚟裝
入口幾甜然後微微辛口
金線魚刺身
厚切魚生 x 火炙過嘅魚皮
身嘅部分軟香順滑
魚尾位油脂豐腴帶韌性
(but食到一兩小片魚鱗扣少少分)

雖然間嘢個名係壽司魚生嗰啲
但係揭吓menu覺得啲熱食都好吸引
蝦天扶良
蝦唔係極級肥大粗身不過至少新鮮彈牙
炸漿唔係好厚仲夠晒脆口
趁熱食就啱啱好
飲酒同炸物都算夾然而同串燒簡直係絕配
牛脷雞腎雞心
要香味有香味要juicy有juicy要爽有爽
雞皮串
非常脆口而中間唔會全乾有返少少油脂咁,正!
燒銀杏燒菠蘿
簡單燒就夠香之中有淡淡白果味滲出嚟
點埋少少鹽就已經完美
今晚太夜兼幾飽
加上支酒真係好夠sweet
以焦糖菠蘿做結尾就夠晒

有好嘢食好酒好Mr. White好心情
哎吔點解我條命生得咁好㗎媽呀~~~

Comments