十三街燈神 - 燈箱製作

雖然唔係住响九龍城
不過因為土瓜灣十三街呢邊太有特色
就嚟試吓將佢嘅景致放入個小小燈箱度
呢個係九龍城主題步行徑嘅其中一個活動啊!
好!工具準備好晒就開始喇~
首先係將構圖畫落五張薄咭紙度
一啲都唔易,因為十三街有好多嘢都好突出
條街啦景啦建築物啦
仲要諗吓係咪畫到同cut到喎…
即係咁,畫好就cut出嚟呀挑通呀咁
彎位考手力位置準確唔好整斷等等啦
然後就黐好啲牛油紙上框
跟住鋸好齊輯輯嘅竹籤黐去做腳
同埋做埋上下兩邊
黐好晒四邊
立起嚟就係咁
同埋咁
職員會幫手用熱熔膠黐好盞燈响底
搞掂咗黐埋個頂就完成㗎喇(yeah~)
成品梗係要用黑底先睇得清楚
先嚟「十三街轉角位」
cut死我嘅「煤氣鼓」
(起個稿太求其之後怕整錯位會爛好彩最後冇事)
構圖後覺得唔太靚嘅「街景連車房」
well,啲車唔講應該唔會睇得出
仲有最拿手畫豬畫牛嘅「牛棚」

而個頂因為手字太差唔雕宋王臺獻醜
雕個「十三街」就算數
(but雕完有啲後悔,我雕字真係好核突)


咁就玩咗一個晏晝,哈~
多謝教導(鞠躬)

Comments