[飯] 奈良上釜 - 極上釜めし

冇得搭程機去奈良志津香
咪留响香港食慰藉吓心靈同五臟囉...
極上釜めし(めし即係飯)
越淡麗梅酒
清甜嘅純米酒同甜味飯後酒咁啦
炸日本池魚仔
Aji條條肥嘟嘟咁
新鮮唔會腥甜味香味濃郁
淺炸魚就爽好多唔會好油膩
好味呢~
唐揚墨魚咀
已經灑咗滿滿七味粉
好夠辣完全中和炸漿應該有嘅油度
爽軟爆汁墨魚咀嘛
好難唔一口接一口接一口接一口咁風暴吸入
但係要忍住啊!呢啲只係小食咋...
跟釜飯會有嘅刺身
有俾咗人哋食嘅三文魚
都好新鮮漿漿地口嘅帶子同蝦
わさび係有埋纖維即磨嗰隻而唔係唧唧貨
除咗刺身跟飯仲有六味前菜(好豐富)
有啲for送飯;有啲真係前菜啦
特別想講中間呢杯茶碗蒸
有齊新鮮蝦蟹肉三文魚籽黑松露冬菇雞肉
啲蛋仲係極!級!嫩!滑!!!
視覺同味覺都非常滿足!
今餐嘅主角-「飯」上枱(終於)
三文魚籽唔係焗入飯,咁先唔會煮熟咗
响再焗一焗個飯嘅時候飲吓啖麵豉湯
not白麵豉喎然後加埋香菜個湯好鬼香
面頭鋪滿絲絲蟹肉
蟹底有兩大片鰻魚有雞有冬菇香菜
放埋魚籽就食得

蟹肉鮮味;鰻魚夠厚過蒲汁甜甜哋蒸咗冇咁漏;雞肉大大舊好嫩滑又juicy
冬菇煮得香軟咬入咇返菇汁出嚟好過癮
飯係用湯汁唔係用水煮
連埋啲餸汁混埋一齊鮮甜中帶鹹香
係最底個飯連汁太濃會鹹咗少少
但刮返側跟嘅飯焦,有啲鹹先至好味
好食囉咪就係!


呃... 好飽(嗝~)

Comments