[神奈川衝撞旅] Day1:三浦半島 → 川崎

凌晨起飛清晨落機
班機delay咗差唔多兩粒鐘所以好夠瞓!
同埋天光落機個人已經ready to run~
羽田出發去邊都好就近
落機慢慢去counter拎張免費sim card
再去撳撳機買車飛就上火車直奔去三浦
三崎口駅落車後轉車
車飛係包埋三浦地區巴士
所以就咁一嘢過埋城ヶ島大橋
抵達三浦最南端:城ヶ島
咁樣直衝三浦為咗乜?食!吞!拿!魚!囉!!!
因為呢度都係吞拿魚拍賣地
近廚得食嘛...
正所謂飛返轉日本食個早餐
就係要食當地嘢,呢間叫まるか
吞拿魚有好多做法,除咗刺身仲有食到唔同煮法
新鮮嘅嘢簡單整就已經好好味~
食完少少吞拿魚周圍兜吓
見到有懷舊樣嘅蛋糕們賣就揀嚟試
點知見到呢件まぐろかぶと
係舊式蛋糕裡面有吞拿魚肉碎,好特別呢
聽著海浪聲吹住海風
腳下一對條條狀海蝕岩石
天公不造美亦無損心情
向後望係有座仔小小的望海小桜観音
唔怪得沿路去好多疊石
懶~
島logo有貓拎住吞拿魚好可愛
城ヶ島灯台望望個燈塔仔
Mmm... 今日個天氣嘛...
照行山囉(嘻)
海天一色... 灰...
落住雨行泥濘路
對新白布鞋一秒長大舊化了 XD
話咁快就到第一個check point
hello相模湾
下面個海蝕洞叫馬の背洞門
行前多少少,有個細細薰衣草小花園
去到check point 2
個馬背洞其實行落去就係
不過雨大浪大唔落喇
話晒個海係太平洋,捲落去就唔好啦(珍惜生命)
check point 3
如果天朗氣清會見到對出對落嘅島sss
but今日嘛... 都叫見到啲黑影嘅...
山路路程短短話咁快就行完
啲雨越嚟越大粒都係搭返巴士去三崎港
(it's 城ヶ島大橋,好大條橋㗎其實)
如~果~要睇吞拿魚拍賣就嚟呢個みさき魚市場
唔駛登記唔限人數啱時間入去睇就可以
冇咩興趣睇拍賣 & 條魚都食咗啦
去間古老樣嘅酒店飲返杯先 @山田屋酒店
兩隻都係神奈川限定販売出品
「寶CRAFT」<小田原うめ> - 清爽嘅梅味有氣liqueur
湘南ゴールド サワー - 酸爽清甜帶微苦嘅檸檬味汽酒
食嗰兩三碟吞拿魚又點會滿足
落咗少少格又再去食過喇
搭個火車去三浦海岸駅
去到tabelog好高分嘅廻転寿司 海鮮食(心)
東光
刺身配大吟釀開心過飲啤酒
食完又落呀落雨
搭返火車去川崎行街街
痴線㗎周圍都俾大商場同商店街包圍住
行到咁上下就食癲喇 @米沢 琥珀堂
呵呵呵話咁易就食到米沢牛
二代目ぐるめ亭
咁嚟日本點都係會食魚生…
アミューズメントパーク ウェアハウス川崎店
食完舖頭都要收工嘅
咪行吓啲過癮嘢
當响九龍城遇見金田一
金鋪真係唔知邊個死得
電脳九龍城砦
要衝出香港先搵得返舊香港
將成個以前嘅九龍城寨搬過嚟
型到震呀呢度!
難怪啲外國人到而家都認為香港係咁嘅樣 XD
連街招都做到好足
咁唔止係場景嘅,呢度係game舖
有得打機有cafè同大量夾公仔機
不過唔識打機又唔肚餓,行吓影吓相就走喇
宵夜,先食甜品
Futaba チョコバナナ
朱古力脆皮 x 香甜香蕉味雪條
非常好味嘅morinaga ピノ ストロベリームーン
pino嘅質素一向都好高
再加埋莓 & 荔枝嘅味咁鬼香甜
日日食都OK啊啊啊~
然而今日嘅酒精含量有啲低
因此臨瞓前都係要隊返杯
Suntory The Premium Malt's Deep Aroma (心和む熟成香)
好夠氣,相比麥味其實焦糖味同果味芳郁啲
另一隻都係Suntory嘅,係七仔Premium Gold版本
Suntory 金のビール
幾種混合麥味溝得好過癮
滑滑泡沫,後續味道帶微微苦

 五體滿足好入睡
玩足一整日聽朝再玩過!


-----------------------------------------------

延伸閱讀:

Day1:三浦半島 → 川崎
Day2:川崎 → 横浜
Day3:鎌倉 → 川崎

Comments