[神奈川衝撞旅] Day3:鎌倉 → 川崎

就算擒晚夜少少瞓
今朝都仲係會早起身(旅行嘅魅力)
ローソン ダブルエスプレッソラテ
見咗籮神呢杯Double Espresso Latte幾日㗎喇
次次兜過都話要飲
不過鑊鑊都坐餐廳居酒屋
再唔係就走咗去七仔
今朝仲唔俾我飲到你?
買好pass,搭車去鎌倉
北鎌倉落車,先遊一遊円覚寺
响鎌倉時代後半嘅弘安5年(1282)開山
仏殿
洪鐘
係関東最大洪鐘(高259.5cm)
正安3年(1301)建造,国宝嚟㗎!
綾鷹 茶葉のあまみ(coca cola出品)
個寺好好行不過好大
好在有地方坐低慢慢休息吓嘆吓茶
去完円覚寺,就去旅程中期間限定之一嘅明月院
因為而家係アジサイ(繡球花、紫陽花)季
呢度種嘅係ヒメアジサイ(牧野姫紫陽花)品種
開滿山嘅話大概係由二千五百棵
然而呢度係個非常熱門嘅賞花勝地
花多,人都爆多!
唔係咁想迫迫夾就出返去行陣等食飯
因為lunch卜咗北鎌倉「円」食懷石料理
揀咗葉山牛懐石set
有齊先附、向附、椀、葉山牛塩胡椒焼、焚合せ、揚物、和え物、赤出し、香物、御飯、甘味
葉山牛係神奈川縣三浦半島嘅黑毛和牛
一年大概只有兩百隻產量,算係數量稀少嘅品種喔!
食飽搭車去鎌倉
去八幡宮由此進
小町通り
鎌倉 大佛麦酒 ~縁~ | IPAシリーズ
@UNDER THE PALMO(アンダーザパルモ)
今日鎌倉好多人,行街又冇咩想買
唯~ 有~ 坐低飲返杯鎌倉 & 湘南嘅手工啤
飲完唞夠繼續行就到鶴岡八幡宮
左右橋行,中間呢條太鼓橋立入禁止嘅
經過舞殿
嘆息之牆(大誤!)
上埋大石段就到達本宮
太多人喇實在,行上行落唔參拜就走喇
落雨,去豊島屋 本店避雨
順便買鳩サブレー
總店限定版紙盒裝
隻餅有手掌咁大,而且又香又甜好好味(正!)
然後一直行到去材木座海水浴場
唔係游水係嚟睇今!日!限!定!
五所神社嘅例大祭:乱材祭
神輿渡御唔止擺响度...
剝好晒衫就掉將佢哋落水!(哈哈哈好過癮)
一年得一次,所以今年只係今日先有咋~
唔留太耐冇睇晒就行喇
臨離開前食グリコ アイスの実
今次係期間限定嘅メロン蜜瓜味
みかん | 白いカフェオレ | マンごー | ぶどう&もも 隻隻都好食)
仲有飯田牧場嘅ice milk premium朱古力碎粒粒牛奶雪糕
係當地牧場,呢間籮神限定發售㗎!
再搭江ノ島電鉄稲村ヶ崎
再行出去相模湾 but 唔係嚟吹海風
係嚟呢到睇住個海浸溫泉(暖)
稲村ヶ崎温泉
如果天氣好運氣好,就可以見到富士山同江ノ島
但係今日嘛... 叫做見到灰天灰海同江ノ島黑影咁囉
個泉水叫黄金の湯,啡中帶微金(?)咁
タカナシ 酪農牛乳
浸完溫泉梗係要飲牛奶(爽)
越落越大雨,又搭返江ノ島電鉄繼續去
反正冇得企响站影
鎌倉高校前Slam Dunk平交道就係咁求其影咗 XDDD
實在太大雨反正又睇唔到咩景
skip咗江ノ島直接上湘南モノレール
佢係單軌吊車啊!
站頭到站尾嚟到大船駅
仲係落緊大雨就搵食先啦 @横浜天下鳥
氣氛好好㗎,飲第一杯係會全部staff一齊陪乾杯好嗨呀~
叫得呢個名梗係有雞食
啲串燒非常非常好食!
森永 ビスケットサンド ミルクキャラメル
食咗幾串又飲咗少少落肚仲有甜品送
不過搭返JR嗰陣都係忍唔住要食佢
無計啦焦糖牛奶糖實在太吸引
返到川崎又飲過 @白金魚
(白金魚 プラチナフィッシュ クラフトビアバル アトレ川崎店)
鬼佬涼茶裝响涼茶杯咁
craft beer真係魅力沒法擋
クリームチーズの醤油漬
個醬油漬cream cheese勁好送酒
嚟埋呢杯Hop Hideout就完喇
吖~ 話說川崎呢度係叮噹ドラえもん嘅故鄉
拎埋行李就搭京急返機場
好快有車又好快去到
咁就快閃咗三日三夜喇
搭凌晨機,五點落機返屋企沖個涼然後死返工!!!


今次鎌倉玩得未夠盡興又冇去到江ノ島
下次再嚟啦去買川越都好喎...

~完~


-----------------------------------------------

延伸閱讀:

Day1:三浦半島 → 川崎
Day2:川崎 → 横浜
Day3:鎌倉 → 川崎

Comments