[荷蘭正呀喂!] Day3:Amsterdam(King's Day)

King's Day!!!
士多啤梨蜂蜜乳酪同運河
美妙嘅早餐~
着好件擒日買嘅橙色童裝獅子tee(ROAR!!!)
連埋個唔係裝笑氣嘅橙波波就出發喇!
因為凍,所以啲人都着咗外套
條街嘅人都唔算好橙
之前劃咗位嘅今日都擺好檔
有應該幾貴嘅蘋果,因為買蘋果送杯mojito
(當然地以"free mojito"為招徠)
大人同細路都會做買賣
賣舊嘢同收錢玩遊戲
乜都冇唔緊要,仲可以租出屋企廁所位!
(個細路冇得去玩要守廁所,塊面西到吖~)
時晴時雨,所以有啲時間需要入室內避雨 @Monte Pelmo
上面嗰球係Bloed Sinaasappel Sorbet,即係血橙雪葩
下面係今日限定嘅橙色Vanille雪糕,味道無變只係橙咗
Hallo King & Queen(揮手)
天清氣朗又開咗個胃梗係要繼續食嘢!
滿滿肉 x 芝士嘅包包Warme Beenham
激抵食喪撈Parmigiano嘅Pasta Parmigana
撈完又猛咁片勁多芝士
意粉嘅份量真係一盒滿中式飯盒
即係平日食就得呢度份量嘅一半再少啲cheese
然後價錢又再多一倍咁啦
免稅價果然非常吸引!!!
冇咗時大時細嘅過雲雨放大晴風景就超級靚
然而一落雨又攰又要搵地方避 @Irish Pub Slainte
飲杯嘢坐一坐,不過洗手間超多人排隊(有消費都要額外收費)
唯有飲完又繼續出去玩過啦
manoushe @The Lebanese Sajeria
呢間係連當地嘅黎巴嫩人都讚正宗㗎!
Rembrandtplein
Rembrandt van Rijn係荷蘭黃金時代嘅一個畫家
Hollandsche Poffertjes
上年响香港嘅荷蘭日都有試過
但係呢個有落酒,唔知點解又已經完全唔同味
好好食囉~
一船都係人好開心
但係咁樣就實在太危險喇(細細聲講:仲係犯法㗎呢)
有義工高興地收垃圾
Magere Brug,地標之一
紅煙 & 周街都係嘅單車
Heineken Experience
喜力酒廠 x 博物館,哎吔今次旅程唔會入嚟啦
雖然又擺King出嚟又係nitrogen啡
但我都係唔會俾你呃入去啊!
去到呢間超~ 正~ 嘅亞洲菜店:IZAKAYA
Ginger Storm
呢位長髮bartender嘅酒調得好好
連平日唔鍾意甜飲、cocktail嘅一行人個個都要返杯
送酒嘅鰻魚鵝肝tapas
好食到癲呢!!!
Van Gogh Museum | 凡高博物館
Rijksmuseum | 荷蘭國家博物館
再行吓Vondelpark
King's Day唔訂位唔使旨意有飯食
講得出呢句當然係一早卜好餐廳啦 @Salmuera
食阿根廷菜
大大隻蝦大大舊肉好滿足!
行完玩完食完一日又返屋企飲craft beer
De Kromme Haring Ikan-Ikan Spekkok Ale
哈哈買嘅時候見到條魚又寫haring咁以為係希靈魚
我哋仲响度笑吓會唔會有腥味
入口「e?咁熟悉嘅甜味而冇魚味嘅?」
原來係ikan-ikan千層蛋糕Spekkoek味
獨特嘅甜味再加手工啤嘅先香後苦幾過癮


又去瞓,聽朝早起去個好地方!

Comments