[荷蘭正呀喂!] Day4.1:Hoorn → Medemblik(IJsselmeer)

yo~ 又嚟一早出發...
搭火車去搭火車!
Hema - Biologische halfvolle melk
哎吔吔,火車站間希麻得半脂奶
有好過冇啦講真呢盒半脂都比牛奶公司維記十字啲全脂濃味...
(外國月亮特別圓?)
移動中... 多雲 x 運河,雲上有藍天
Hoorn,落車
Museumstoomtram Hoorn-Medemblik
去蒸汽火車博物館(心)
1804年有第一架火車响英國誕生
計英國之後,第二個有火車同鐵路嘅地方就係荷蘭
哈哈,架車好似Thomas啊!
唔係睇資料館咁就算嘅
真係有蒸汽火車睇㗎
呢啲車點整點保養都有得近距離睇
就算係一條木,翻新保養都有多重工序
啲車唔止睇得
仲「砵」得㗎!
有資料、有實物睇
仲可以入車站控制室
啊~ 好想拉吓呀
不過用緊㗎所以唔好手多多喔
站長叔叔講解今日嘅路線
一陣坐嘅蒸汽火車(心)
不設劃位,早啲上車就可以揀位坐
呢卡啲座位有軟墊,感覺嗨卡啲就呢度啦
...望出窗嘅係而家嘅火車
最前面嘅當然係今日嘅主角蒸汽火車頭
好新淨,完全唔似一件好有歷史嘅嘢
GO GO GO!
真係有蒸氣㗎(廢話)
唔臭嘅白煙水蒸氣
沿路會經過花田,好粉紅呢~
中途站Wognum-Nibbixwoud
襯呢段時間先去餐車order嘢食(嘻嘻)
啲嘢食即叫即整製作需時
咁落車伸展吓睇吓舊物轉頭返去拎就OK
玩咗陣就差唔多輪到我嗰份
熱辣辣望落好吸引
Poffertjes
煎到金黃色加埋牛油令晒面咁
仲彌漫住甜而濃郁嘅牛油味香氣撲鼻
Hertog Jan - Traditioneel Natuurzuiver Bier
顏色金黃果香味出越飲越感受到個發酵味最後微苦嘅Pilsener
再出發,今次係紅色黃色嘅花田
經過中途站:Twisk,冇落車嘅
單程火車嘅終點站:Medemblik
FYI呢個鎮係响荷蘭嘅西北部
City Tour Medemblik
落火車之後,呢隻車仔嘅司機响我哋招手
原來係用嚟接載景點嘅,仲要係費!用!全!免!
好似我哋一行人之後仲會搭其他嘢走
就可以利用佢「快速」响呢個鎮啲景點兜一圈
個司機係會用佢識嘅英文介紹吓呢個地方
唔係揸咪導遊嗰種喎係似平時的士司機吹吹水咁
例如佢好輕鬆咁講眼前呢個四四正正嘅避風塘
其實係一個俾水完全地淹浸咗足球場,哈哈
第一個可供落車嘅地點:Kasteel Radboud Medemblik
1228年建成嘅城堡
但係今日仲要去其他市鎮
家陣就咁望過吓當俾啲印象下次再嚟參觀啦
加高咗嘅堤壩再出啲就係IJsselmeer(Lake IJssel)
因為正身處响比海平面更低嘅國家呢...
另一個落車點:Nederlands Stoommachinemuseum
(司機叫我落車影陣相先,超nice)
好「工業」嘅博物館,裡面好似好好玩咁
又係呢句「下次再嚟要入去玩!」
De Bijenstal:蜂場
再睇埋最後check point大風車(Molen de Herder)
就完成咗呢一粒鐘嘅Medemblik精華遊
穿過火車站就到碼頭,上船去...

Comments