[飯] 丼丼屋 - 金獅子烤牛肉配日式滑蛋丼 @gudetama「梳乎蛋」主題店

札幌燒肉店金獅子出品嘅北海道牛牛
係喇係喇...(攤手)我認係為咗蛋黃哥ぐでたま而9衝嚟嘅!
金獅子烤牛肉配日式滑蛋丼
當然,啲嘢要睇得都要食得嘅
嚟自札幌金獅子のヤキニク嘅牛肉片
配有用北海道3.6牛乳炒嘅滑蛋
有個奶白色酸酸地嘅汁再淋埋日式辣油

Mmm... 牛肉都算~ 新鮮嘅...
因為係半熟,如果啲牛質素唔好就不得了
可惜唔太肥嘅佢牛味又都唔濃郁
然而份量多夠豪氣加返一分啦
滑蛋稱得上滑溜溜不過無咩蛋味咁
(細細聲:有心機嘅茶記整得好食過佢好多)
個白色汁微酸食落無咁漏
辣油微辣而幾香,成碟嘢最出色第二位
飯唔濕嘅普普通通咁啦

所以,成兜飯最出色嘅係插响飯上面嗰張蛋黃哥咭紙!!!
梳乎蛋玉子卷
哈哈個店名崩壞咗
隻蛋黃哥仲係依舊樣衰
舊嘢OK嘅,無咩蛋味咁啦都係
唔會過鹹過甜咁... 是但啦
甜蝦三文魚籽蛋白茶碗蒸
呢碗,唔錯!
撇除冇蛋味呢個死穴(入貨問題)
啲蛋超!級!滑!溜!
配埋夠晒鹹嘅三文魚籽同鮮醃甜蝦仔就啱啱好
吖!仲有張好靚嘅蛋黃哥咭紙加持,good~
托盤底張靚靚餐紙
場內裝修都係滿滿hea味
一牆「很黃、理性、非暴力」嘅蛋黃哥們
上天下地都是蛋
唔係咁都唔會特登走嚟食啦係咪
係嚟食裝修架喇
對期間限定四粒字無免疫力嘛...
啊!有嗌呢款餐目嘅嘢食就會送file夾
個樣唔錯嘅至少比鎖匙扣實用啲,哈哈哈!

Comments