[嗨!苗栗國] Day1:苗栗市 ↔ 南庄鄉(養蟹人家、50嵐、雞大爺、英才夜市)

桃園機朝早去中午前到
台中機就晏晝去黃昏前到
為免嘥珍貴嘅短trip時間就揀飛桃園
隔離仲有隻大口仔(E字前面say hi嗰個)啊呵呵呵!
飛機餐右下件三文治含有火腿
一定只可以响機上享用唔好帶走啊
違規帶肉製品唔申報會處新臺幣1萬元以上100萬元以下罰鍰
(呃~個蘋果汁幾好味)
落機就搭捷運(機場第二航廈站 → 機場捷運桃園站
喔!好可愛嘅今津郷手環(心)
然後去到高鐵站見車就上(高鐵桃園站 → 苗栗站
咁就去錯咗台!中!站!!!wakakakakakaaaaa
(兔兔P助同你say hello兼恥笑中)
等返去嘅車就飲返支嘢唞吓
蜂蜜故事館 - 優選蜂蜜水、蜂蜜檸檬水
雖然含糖不過都有住清香嘅蜜糖味;檸味嘅更清新
兩種都好味啊~
好啦,台中站等到返苗栗站
再轉區間車(豐富 → 苗栗車站
終於到苗栗嘅苗栗喇哈哈
未到check in時間就放低行李响旅社
問問櫃檯就幫call的士去下一站
就感受到苗栗唔自駕係有啲唔方便同地方好~大~~~
搭的士都搭咗45分鐘
終於嚟到位於南庄鄉養蟹人家(感動)
啊!時令嘅大閘蟹啊啊啊啊啊!!!
要咗3両公3両乸同4両公哈哈哈大滿足
苗栗蟹係臺灣蟹苗 & 响呢個山頭養住
冇咩㗎咪就係至少食得安心同肯定佢係真・大閘蟹之嘛
餐廳裡面係對住個養蟹湖食嘅
食完响個湖行吓就call返的士返苗栗(又45分鐘)
5點半,日落。
返到呢間超型格嘅旅社check in @新興大旅社
回到過去嘅時光,check in時會帶領兼講歷史
由1950年代建立木製日式平房
到1967年原址興建到而家個樣咁一直冇變過
古早味濃郁嘅硬膠大匙牌
放心啦唔駛咁鬼重拎出街而係沿用舊式住宿方法:外出鎖匙要放櫃台
六十年代嘅設計同地磚
仲有名物:新興棉被花
即係將張摺棉胎成為藝術品
佢哋好多年前已經係咁摺
而家嘛就好似去咩峇里飄飄吓渡假屋裡面摺摺毛巾鶴咁
...between張被鬼死咁熱搇到汗都出
參觀完旅社又落街兜吓
先飲杯的士大哥熱情推薦嘅50嵐珍珠奶茶
因為唔鍾意奶精咁揀鮮奶做嘅珍珠紅茶拿鐵(少冰無糖)就啱啱好
阿薩姆紅茶香味足;鮮奶味夠香滑濃郁
珍珠比一般嘅細粒有黑糖味唔會好甜最緊要係非常Q彈
好好味呀!的哥冇介紹錯呢~
未夠夜食夜市就食吓街舖小食 @雞大爺 - 噴香三角骨(少少辣粉)
即叫即炸拎上手熱辣辣,香噴噴好惹味
吖!食落唔會好油㗎咋喎唔錯唔錯
苗栗英才觀光夜市
well 去臺灣係唔會唔去夜市嘅
星期五英才會最興盛星期六應該去公館夜市好啲
不過呢度由旅社行過去五分鐘咋喎
唔係開得最鼎盛but都有唔少嘢食
香氣飄飄嘅烤魷魚
初滷人
飽飽哋都係持續觀望吓
要玩都有得玩
大人細路都有嘢啱玩
既然唔太肚餓就慰藉吓甜品胃啦 @微豆豆花
多心乜都想試就要呢兜招牌3 芋圓綜合奶油嫩豆花(微糖 + 薑汁奶油)
芋圓地瓜圓同珍珠都超~Q~~~
花生夠晒腍紅綠豆皮冇爛裡面仲起晒沙
薏仁唔會粉粉咁幾好咬
豆花豆味足但又保持到嫩嫩滑咁
個奶油就冇咩咁錦繡添花喇個薑汁都唔係好突出
但係成碗嘢夾埋都算好好食(仲好飽肚)
呃!今晚食唔落雪條喇
含hyaluronic acid,睇落怪怪哋
其實都係糖胺聚糖啫...


玩足一日,返去瞓覺lu~


-----------------------------------------------

延伸閱讀:

Day1:苗栗市 ↔ 南庄鄉
Day2:苗栗市 → 三義鄉 → 後龍鎮

Day3:苗栗市 → 泰安鄉
Day4:泰安鄉 → 苗栗市

Comments