[嗨!苗栗國] Day2:苗栗市 → 三義鄉 → 後龍鎮(品今鼎早餐、永和豆漿、鐵道驛站、舊山線鐵道自行車、勝興車站、十六份人文茶館、後龍夜市)

晨早空氣清新開朗,又係爬落樓食早餐嘅時候
品今鼎早餐 - 燻蛋蛋餅
正港台式早點冇理由唔見蛋餅嘅
皮夠外脆內Q,有蛋香裡面又載住滿滿餡料
而且味道唔太鹹,just right!
永和豆漿 - 鹹豆漿、油條、冰豆漿
就咁一件蛋餅又點會滿足我呢件蛋散?
哈哈有最愛嘅鹹豆漿喎
漿面凝住變得好似豆腐花咁滑
本身已經配油炸鬼不過响店面睇到太吸引忍唔住嗌
凍豆漿微甜有豆味唔錯唔錯
就係呢桶目測40cm長炸得金黃嘅油炸鬼(心)
食飽飽就去搭火車(苗栗 → 三義
一落車就見到車站牌係木雕
三義作為台灣木雕重鎮
就連車站已經有好多木雕工藝品
時間唔夠加上唔太識鑒賞
今次就冇响呢帶着眼遊覽喇
有機會可以參觀吓木雕博物館嗰啲嘅
因此响火車站直接截的士上山
路上見到呢堆檳榔樹
話說成日都見到唔少檳榔檔、檳榔本體同渣滓
就係未睇過啲樹嘅真身(大鄉里)
搭咗廿分鐘的士(其他人係揸車或者係旅行團嘅旅遊巴到達)
上到舊山線鐵道自行車龍騰站就先去拎飛
係呀!特登咁乸遠就係為咗踩鐵道車仔
想揀好日子同有位就要45日前準時上網訂飛喇
襯等上車就攤唞吓 @鐵道驛站庭園咖啡館
特調咖啡 Railway's Special
避得了糖避唔開奶精
但無阻佢嘅美味(心)
仲可以邊歎住冷氣邊望住出面啲鐵道自行車行駛緊
(前我一班嘅車)
坐坐吓按耐唔住又出咗去行吓
哈哈哈啲車仔真係好可愛
哎呀呀仲已經見到龍騰斷橋
既然見到就行近啲啦
龍騰斷橋(魚藤坪斷橋)
建於1907年,至1935年新竹州大地震時因受損嚴重而成為斷橋
後續又於1999年九二一大地震二度受創
條橋已指定為苗栗縣縣定古蹟
由三叉河出張所長稻垣兵太郎設計,久米組承造
屬於複合材料鐵路橋樑,以磚石砌造橋腳、連拱、鋼板橋、上承式桁架組成
天下第一臭尚黑的黑皮臭豆腐
橋隔離有幾檔仔嘢
有呢個自稱天下第一臭,其實唔係咁臭哈哈哈
個皮黑黑咁有啲gimmick脆脆哋咁
唔... 冇咩特別...
其實出咗鐵道驛站呢個舒服嘅冷氣地方係一個噩夢
好在呢個世界仲有古早味梅子冰(thanks god)
差唔多時間就去報到集合
聽完呢條鐵道歷史同安全事項就上車喇
(啲車已經排排好)
扣好安全帶就出發!
出!發!GO~
影相唔揸車;揸車唔影相
所以我係坐副駕位然後喪影相哈哈哈
一開波就要駛經呢條高33公尺嘅魚藤坪鐵橋
就可以居高遠眺龍騰斷橋北段
33公尺下嘅景山溪
唔計1935年斷橋嗰邊嘅路段
呢條舊山線鐵道已經响1998年停駛
而家有得自己踩嚟玩,都幾爽
路程會經過連續隧道群三四五六號
先入三號,呢程幾條行車之中最長
開晒幾隻色嘅燈咁
出三號就見到四號响前面
四號前已經望到五號喇
話咁快連五號都捐埋
繼續向前行
然後要全世界落車
因為要轉車向啊!
要逐架人手撳掣啲車車就會轉~
等轉車嘅時候就要落地行
落地唔代表冇嘢做啦
仲有六號隧道(用腳)穿過啊
裡面都有燈光㗎
穿過埋隧道,好多同 (鐵)路人 & 鐵欄
鐵欄後嘅係內社川鐵橋
又稱鯉魚潭鐵橋,响龍騰斷橋西側
係全台灣最高嘅鐵橋
不過都同龍騰斷橋一樣
遭受1935年關刀山大地震洗禮
橋面嚴重扭曲變形通唔到車
但就算而家都因為佢左右兩邊無圍欄
所以都唔可以踩小火車同行出去
(伸手影相小心跌機就OK)
佢嘅左邊有水管同景山溪
右邊係鯉魚潭水庫專用道同後池堰
再返入六號隧道回程
陰陽路feel嘅綠燈
搵返自己冧巴嘅車
一架車4座位,頭先坐前排而家坐後排
經返五四三號隧道
再落中途站,落車遇見另一班次嘅車仔
先有農戶派大大粒花生,做一吓花生友先
一直沿路向下行,望返上魚藤坪鐵橋都真係幾高喎
呢個位可以睇多啲唔同位置嘅龍騰斷橋南段
睇完又返返上去
上返車又睇返北段
end game 落車
個center裡面仲有文物啊~
右邊張poster好正!!!(好想要)
呃!不如搵日去一轉長野県吖...
call的士去下一站
假日限時單程行車
响唔知邊度落車...(疑惑)
沿路向下行,終於見到!
全台灣海拔最高嘅火車站:勝興車站
標高402.326公尺,响1998年改線停駛咗後2010年成為觀光點
建於1907年,响1935年地震後依然無損
而家係縣定古蹟喔!
隻硬膠站長個笑容好詭異(汗)
站房仲保留住以前啲時刻表
另一條班次嘅車仔會到呢度
隧道頂寫住嘅「開天」字跡係1905年後藤新平親提嘅
順帶一提呢條係二號隧道(又稱開天隧道)
木造站牌
行完個站就去附近嘅商店街
去水井蓋都有車站呢~
坐低食tea @十六份人文茶館
望出去個景唔錯嘛!
自己擂茶自己擂之擂茶DIY!!!
個set送埋麻糬,好滿足
麻糬超~~Q~~~
逐樣嘢舂舂舂擂呀擂...
...擂到天黑終於可以加水(感動)
最後加埋玄米就飲得
差啲冇得兩樣配埋一齊食哈哈哈
ごちそうさまでした之後就再call返落三義站
玩得有啲晏搞到要趕火車
的哥好好咁快快地運送
仲介紹下一個地方嘅美食推介
三義 → 豐富
苗栗客家圓樓
响豐富站遠遠就望到呢個客家縣裡面最富有客家特色嘅圓樓
夜晚裡面係closed嘅而外圍就會開咗燈
由豐富站/苗栗高鐵站搭的士嚟到後龍夜市
係日曜日限定嘅夜市
好~大~~~ 好多人(眼花撩亂)
帝王滷味
三義的哥強烈推薦
好好彩兜第一round已經搵到
夜市係要掃所以啲嘢夾少少少少就好喇
正如個招牌已經寫咗:沒什麼特別,就是好吃!
滷水夾搭五香味,要爽有爽要腍有腍又夠入味真係好好食
好想補一補卻怕排骨土虱太飽肚(殘念)
宏偉嘅順天宮(200+ yrs)
好耐冇見過嘅菱角,剝埋殼好方便食咁喎~
嗱嗱嗱嗱嗱,成排嘅玻璃樽鮮牛奶太吸引喇
每杯奶茶都係成支奶即場倒入去!
牧場ㄋㄟㄋㄟ鮮奶茶本舖 - 紅茶鮮奶
高雄嘅高大牧場鮮奶 x 飄香嘅Assam tea
唔駛加糖喇就咁飲已經係美味
山豬肉串
爆香惹味又juicy,勁好食!!!
那一家臭豆腐
外超脆內爆香夾住只提香唔臭嘅蒜蓉同醬汁 w/醃菜
好味到完全忘卻咗今朝嗰碟唔好食嘅黑色臭豆腐
朕知道了 - 麻油腰子湯
反正都係藥膳,食排骨不如要內臟
加上經過嘅時候佢個麻油味堅係香到暈
香、補、極暖身、腰子爽冇臭味
服務仲宇宙級好非常nice,冇唔喜愛嘅理由(大心)
喂呀已經食咗好多嘢
但係經過幾次地瓜球車已經諗住買
到食完腰子湯去到竟然開始收車 T-T
哎吔吔冇得食點算?
行埋去見到仲有幾袋都係買返袋啦
以為會凍啦點知仲係微熱
明明食到飽飽咁點知都係一粒接一粒啪Q晒入口
無計啦一來細細粒二來地瓜味夠香亦外脆內QQ咁好難唔繼續食
見住一檔又一檔開始收攤
食完炸嘢都係快手搵杯嘢飲吓
飲唔落芋頭鮮奶(加上已經收咗檔)就揀呢杯黑糖竹薑茶
唔太甜又夠晒薑味,唔錯唔錯㗎!
話說啲檔收咗七八成
行出大路又唔見有的士
好彩路在口邊問到路人可以幫忙call
(啊!個月亮好近望落又大又圓)
所以返到苗栗火車站就去冚家啤啤佢
臺虎精釀 - 再見柚子艾爾啤酒(yuzu midnight)
柚子味飄香嘅ale,清香美味易入口又幾好飲喎


又由日玩到夜
返到旅社前台伯伯以為蕩失咗路唔識返嚟
搞到您有啲擔心咁有少少唔好意思㖭
不過又好興奮咁話俾佢聽今日玩左好多嘢好開心咁
好似同緊自己grandpa講嘢咁好親切
玩夠就沖涼執嘢覺覺豬,有咩聽日再算(Zzz...)


-----------------------------------------------

延伸閱讀:

Day1:苗栗市 ↔ 南庄鄉
Day2:苗栗市 → 三義鄉 → 後龍鎮

Day3:苗栗市 → 泰安鄉
Day4:泰安鄉 → 苗栗市

Comments