[嗨!苗栗國] Day3:苗栗市 → 泰安鄉(找餐、功維敘隧道、湯家大肉圓、苗栗鐵道文物展示館、洗水坑豆腐街、泰安觀止、山吻泉餐廳)

响等好疏嘅公車同步行30分鐘路程之間...
...係會揀一路向前行嘅!
google話行30分鐘
都意味著唔會用同等時間行到
因為會行行吓坐低食早餐 @找餐 - 薑燒豬肉米漢堡、蜂蜜番茄汁
厚片豬肉好juicy菜夠新鮮米飯夠煙韌
現打番茄汁好清新蜂蜜量足好美味
貓狸山功維敘步道(功維敘隧道)
沿路無咩睇所以覺得行咗好耐咁先終於到
but... 施工中closed T-T
話說係行到嚟個隧道口先知
旅社呀鄉鎮的哥們都唔知
唯有走囉都無計㗎啦...
bye喇隧道(揮手)
其實佢本名叫苗栗隧道
建於1902年响1903年啟用
而因為北口呢邊個匾額上刻有日治時代台灣總督兒玉源太郎的題字「功維敘」
所以先被誤稱功維敘 or 功維敘隧道
隧道全長460公尺,本身係單線鐵路隧道
後來因鐵路苗栗 ↔ 南勢段雙軌化改線後停用
停用後响2003年經苗栗市公所整理後重新開放
成為貓貍(裏)山公園嘅一部分,旅遊觀光景點之一
死死地氣沿路行返去
食返件肉圓 @湯家大肉圓順返條氣兼補充體力
返到去苗栗站諗住行去苗栗鐵道文物展示館睇火車
WHAT?!唔係啩又施工中?
今日係工地發展日落街睇工程景點呀呀呀???
咁可憐唯有响七仔嘆樽咖啡麥酒refresh吓
(* 响便利店坐住唔建議飲酒啊!)
UCC Black 珈琲麦酒
有黑啡味又有啤酒味,比單純飲佢嘅啡好味好多
然而皇天不負有心人
原來個館响後面兜入無摺到
只係大街上面個非入口展示館牌樓嗰個位裝修緊
個館响度呀仲响度呀哈哈哈哈哈(興奮)
有鐵路機車(蒸汽、柴電、柴液、柴油嘅)
亦有鐵路客車、鐵路貨車同鐵路工程車
都係日本、美國同臺灣造嘅車車啦
响旅社check out嗰陣
前台話而家做緊走玩苗栗小鎮秋冬遊
有响景點打卡就有呢份小禮物送,都幾靚
(呃!又真係响三義打過卡喎!but係因為見到有手多多嘅响石柱到刻「五大訴求缺一不可」先影咋...)
暫別苗栗(市)
搭火車去豐富站(苗栗高鐵站)
終於唔係搭的士之溫泉旅館有車接送
苗栗高鐵站 → 泰安溫泉 @泰安鄉
車程40+分鐘,唔駛睇住的士跳錶嘅感覺唔錯
洗水坑豆腐街(清安豆腐老街)
一個諗住skip嘅旅遊點
誤打誤撞兜咗轉
落車又有花生食
哎吔比擒日食嗰隻更香
唔通用溫泉水養嘅?
食完擺好啲殼唔周圍亂丟啊!
去豆腐街就食吓豆腐啦 @清安豆腐店(白豆腐)
豆腐丸子
同埋飲豆漿(冰豆漿黑豆漿
Mmm... 唔算好特別,that's it.
紅白相間磚係泰安鄉嘅特色喔!
繼續上路
泰安觀止溫泉會館
溫泉旅館到着
大堂望出去係汶水溪
酒店游泳池but not my cup of tea啦
因為房裡面就有個私!人!溫!泉!池!啊!!!
好大個,四個人浸都無問題!
先落樓飲過welcome drink先
自助形式仲可以拎糕點
飲完嘢就行一行過去對面(also有泰安磚)
下榻旅館個樣 & the汶水溪
山上嘅七仔yeah
(呢個世界無人可以阻止我買嘢!!!)
行完就返去開泉水等浸第一泡
話說個出水度好快,唔駛等好耐very good
浸完溫泉係要飲牛奶嘅 @統一 瑞穗鮮乳 全脂鮮乳
then,又行過橋嘅另一邊食晚餐
(特登唔book酒店餐廳嘅)
山吻泉餐廳 - 南瓜牛奶蔬菜鍋 w/山鱒魚
肥美嘅山鱒魚(心)
呢份係set所以有買特調茶同甜品
可惜份甜品太早上場
到食完主餐再食佢嗰陣已經凍咗硬崩崩唔好食 so sad
食完飯又返旅館,夜晚間旅館係咁樣嘅
既然食唔到甜品就飲甜品味道嘅啤酒
金色三麥 - 蜂蜜啤酒(honey lager)
香甜發酵龍眼蜜嘅lager
芳香甜美嘅味道又有啲氣咁完全唔覺係飲緊啤酒哈哈
唞陣然後呵呵呵開個泉水又浸過
咪講笑,浸完溫泉臨訓前要開罐suntory
SUNTORY金麦<濃いめのひととき>:2019冬限定
味道更濃郁,麥芽味再加倍!正!


太舒服喇今晚一定好好瞓,good night~


-----------------------------------------------

延伸閱讀:

Day1:苗栗市 ↔ 南庄鄉
Day2:苗栗市 → 三義鄉 → 後龍鎮
Day3:苗栗市 → 泰安鄉
Day4:泰安鄉 → 苗栗市

Comments