[嗨!苗栗國] Day4:泰安鄉 → 苗栗市(傳家堡餐館、沛克咖啡店、菁採生活、高鐵便當)

Last day 喇(T-T)爬起身先浸個溫泉先
溫泉旅館嘅自助餐式早餐
咩都拎啲食吓咁啦
食完嘢唞唞,浸多最後一次溫泉哈哈哈
(一泊浸到四鑊真係好爽呢~)
爽爆後就pack嘢check out喇
啊!响官網訂房係有小禮物送㗎
拎咗支碌碌精油啦(冇晒蜂蜜殘念呢)
搭返旅館專車落苗栗高鐵站
bye喇泰安
返到高鐵站諗唔到去邊好
就搭火車由豐富 → 苗栗
再一枝箭飆去傳家堡餐館食客家菜
(果然諗唔到做咩就會走去食嘢)
左手邊壺酸梅湯唔係單點
係坐低已經整壺供應
然而客家菜實在太可怕
以為簡單叫一兩個餸再加碗飯仔就應該夠飽
嗌咗豬腳筍乾梅汁魚片傳家滷肉飯
chimagun碟碟都超大碟根本係成家人食嘅份量
碗飯都係滿滿肉碎(同台式肉燥飯完!全!唔同味)
已經好努力都食唔L晒每樣睇落都係似食得少少咁真係罪過罪過
食完飯好飽但係經擒日朝早一役就知道附近根本係冇嘢好做
所以搵個地方坐低飲咖啡 @Pergram Coffee 沛克咖啡店
呢set係 1&1 濃縮 Espresso & 咖啡汽水 Espresso Soda
揀咗中深焙 黑森林配方
一句講晒:高質咖啡店!
話說咖啡店老闆Sam(from馬來西亞)言談間知我係香港人
就問係咪睇到咖啡雜誌定係咩渠道識搵到呢度
but sorry好樣衰呀其實係前兩日食早餐兜過
但before 11am 所以未開門
擒日間嘢係公休日
兩日都經過而都closed x 個裝修好靚
可惜係咪執咗嘅舖頭咁...
今日行過見到「喔!原來間嘢係有開㗎」就衝左入嚟 XDDD
之後先知間嘢都幾厲害
至少係除咗周日遊客點同夜市外見到最多人嘅地方!
堅冇嘢做就去全聯同隔離間巨星文具打發時間
(我!要!買!嘢!!!)
行完街 (?) 見仲有可以hea嘅時間
坐低飲吓茶 @菁採生活
四季春鮮奶茶(無糖)& 不一樣~茶葉蛋
超讚嘅茶!
好正㗎間嘢有好多圖書睇
好好hea嘅一個地方
日落要走喇(苗栗 → 豐富
苗栗高鐵站
今日等唔到客家圓樓開燈
森永 質上雪糕 牛奶糖風味
抗拒唔到森永牛奶糖,呵呵呵~
坐返高鐵去桃園
yeah yeah yeah 高鐵便當(山藥蔬食盒餐)
跟住就搭捷運(機場捷運桃園站 → 機場第二航廈站
話咁快就到機場
過關前再啤啤佢Taiwan Beer - Draft Beer
淡淡然嘅味道...
入閘前睇吓大口仔
好想坐次蛋黃哥啊啊啊
入閘過關後就去搵黑熊
但係原來得熊仔三幾隻
最後喇... 飛機餐嘅糙米堡好食啊
橙汁OK啦,個酥皮唔知乜冇食


~完~


-----------------------------------------------

延伸閱讀:

Day1:苗栗市 ↔ 南庄鄉
Day2:苗栗市 → 三義鄉 → 後龍鎮
Day3:苗栗市 → 泰安鄉
Day4:泰安鄉 → 苗栗市

Comments