[Glory Days!鹿児島長崎!] Day1:鹿児島ラーメン 我流風 | 揚立屋 | 天文館公園 | 旬や 吟 | 西本願寺(除夜会・除夜の鐘)

一年嘅最後一日,都係選擇逃離852
鹿児島空港,我哋又見面喇~
响機場拎返張免費sim card先
天然温泉足湯 「おやっとさぁ」
張card要响電話到set嘛
咪一路浸住足湯一路慢慢搞囉...
呢段時間真係柚子湯
大大舊柚子們响個溫泉度浮浮吓
搞掂晒就搭鹿児島空港連絡バス直達天文館
未夠鐘check in就bag drop行李响酒店然後出動
之前一直嚟鹿兒島同今次一樣住天文館
所以呢條天文館商店街同周邊已經算熟悉
鹿児島ラーメン 我流風~がるふ~ 天文館本店
搵食時間,因為好多舖唔開就冇得食「大餐」住
咁揀拉麵啦反正上次嚟鹿兒島都無食過
想試豚とろ不過closed啦
點知呢間兜幾個圈一直條龍都冇短過嘅都咁好食喎!
揚立屋 天文館店
上次嚟有買呢間急凍嘅散裝薩摩炸魚餅返屋企
呢鑊就食最最最新鮮嘅舖頭直炸版本
有人氣冧巴溫嘅芝士味同見住佢上架啱啱炸起嘅粟米味
呵呵呵,勁香兼彈牙真係好好食!
食完嘢係咁意行吓街後就去HAIR&MAKE EARTH整吓頭
行返酒店前途徑天文館公園
俾啲光一嘢就吸引咗埋去

原來係天文館ミリオネーション2020
用咗100萬粒LED打造而成,係幾靚嘅~
返酒店check in,飲番杯熱辣辣昆布茶先(暖~)
旬や 吟
呢啲日子好多舖頭都休息
而開嘅又好吸引嘅都仲有得揀嘅
あらわざ桜島
雖然有焼酎呑み放題
但一陣仲有地方去都係淺嚐好喇
啊!呢杯非常香而且勁好飲(心)
鮮魚3種盛り
呢間舖主打鹿兒島嘅新鮮食材
又點會少得海鮮呢?
刺身,係必食嘅!!!
浜焼き3種盛り 
樣樣都好想試咁就叫set唔使自己諗
先嚟大大隻蠔 (牡蠣)
就咁加少少醋已經調好晒味
白蛤,都幾大隻
就咁海水嘅鹹鮮加埋隻蜆本身嘅甜味已經係perfect match
仲有呢隻大海老
蝦頭有膏兼厚身彈彈牙蝦肉
實在太太太美味喇
(後面嘅係和牛ホルモンの塩ダレ 鹽燒牛脷)
串燒鰻肝,見到menu諗都唔洗諗一定要食!
夕 -SEKI-
呢隻都係鹿兒島嘅芋焼酎
入口比あらわざ桜島嗆喉
吟の焼きおにぎり
慢慢坐慢慢飲
食埋個燒飯糰就埋單慢慢行
順住路行好快就去到
今晚除夕夜有得敲鐘啊!
浄土真宗本願寺派(西本願寺)本願寺 鹿児島別院
廟前仲有啲檔仔
除夜会
僧侶响室內明燈(蠟燭)下讀經
完場後拎定敲鐘排隊券就出返去
除夜の鐘
差唔多倒數嘅時間
拎住1234籌嘅人已經去排定隊
僧侶們準備中
00:00 00 Happy New Year~
未輪到敲鐘走去輪紅豆湯圓(無料)啦!
鐘,係咁敲嘅
仲有隻寺廟吉祥物四圍走
至於我個號碼嘛
最早都可能要去到凌晨三點先輪到
好眼瞓呀算罷啦人哋敲我聽咗一樣㗎啫
臨返酒店前都係想食雪糕嘅
森永製菓 ザ・クレープ 練乳&あまおう苺クレープ
勁薄又夠韌嘅crepe包住士多啤梨牛奶雪糕
隻士多啤梨味仲要唔人工味,好味喎佢!


新年快樂!
今年又再好好(食)過~

-----------------------------------------------

延伸閱讀:

Day1:鹿児島ラーメン 我流風 | 揚立屋 | 天文館公園 | 旬や 吟 | 西本願寺(除夜会・除夜の鐘)

Comments