[高溫熱氣土耳其] Day4:Adalar - Büyükada (MADO)、Kadıköy (Benazio Coffee、Çiya Kebap)

食飽飽酒店個早餐又出去喇~
Alman Çeşmesi
16世紀晚期Ottoman時期嘅噴水池
搭路面電車去Eminönü
响Sirkeci Terminali上船去亞洲搵「王子」!!!
(Eminönü - Kadıköy - Adalar
先經過第一個王子島群嘅島:Kınalıada
再去到第二個王子島:Burgazadası
然後係第三個:Heybeliada
離開咗三個王子 (島)
就嚟到第四個亦係最大一個嘅Büyükada
雖然譯為「王子島群」
Adalar嘅意思只係"島s",not"王子"
而呢啲島s係响拜占庭時期將啲王子同王室成員流放用
Ottoman時期都繼續沿用呢種做法嘅
島嘅面積唔係非常大
遊客嘛一般都係以馬車租單車踩同行路為主
馬車好臭,應該係因為長期虐待啲馬
絕對唔建議用呢種助紂為虐嘅方式嚟遊覽
單車我唔識踩,因此只有行路...
但係個高溫仍如熊火一般不放開我
王子就搵唔到喇搵嘢食啦唉... @Milto Restaurant
餐廳係遊客餐嘅水準,唔算好好食
然而個景就好無敵!
離開餐廳,繼續同太陽死過
不過只係靠行路去得嘅地方唔會太遠
又周圍都係人喎(我知我都係其中一個人)
兜兜吓就有啲悶喇
加上真係好很熱,熱到頭都暈想中暑咁嘅款
都係坐低食吓雪糕降吓溫啦 @MADO
賴死都唔出去再行㗎喇
慢慢嘆多杯咖啡等到有下一班船囉!
Adalar - Kadıköy - Eminönü
畢竟比原本行程早咗走
就唔先返歐洲嘅Eminönü而早啲落船繼續留响亞洲Kadıköy
又返嚟Kadıköy喇~
今次就唔行街買嘢
去啲未去過嘅地段兜吓
見到呢間轉角位嘅咖啡屋唔錯就坐低 @Benazio Coffee
好耐冇見嘅大杯唔係土耳其啡嘅咖啡哈哈哈
坐夠又再閒晃
响海行就唔會蕩失路
又到晚飯時間,唔想諗就去返Çiya
上次食Çiya Sofrası今次去對面間Çiya Kebap
啲嘢食堅好食又大份仲勁抵食
就算客人多啲職員都係非常親切滿面笑容咁
食飽飽就坐船返歐洲 (Kadıköy - Eminönü)
居然影到少女塔Kız Kulesi 嘅夜景
Karaköy呢邊嘅夜景
個塔BELTUR Galata Kulesi都幾stand out㗎喎
返到Eminönü就搭返路面電車上返山
Ayasofya Müzesi 聖蘇菲亞大教堂
Sultan Ahmet Camii 藍色清真寺
返到酒店,行出平時曬底衫褲個露台
見到平日只見路軌不見車嘅樓下有火車經過...哈...

Comments