[高溫熱氣土耳其] Day5:İstanbul → Cappadocia

响酒店食埋個早餐就執好嘢
check-out咗擺低行李手揈揈再四圍行
Sultan I.Ahmed Türbesi
响藍色清真寺前安放蘇丹I. Ahmet嘅陵墓
又搭路面電車落Eminönü
相比Grand Bazaar (Kapalı Çarşı)
Mısır Çarşısı好行好多,所以會行佢嘅外圍
見啲黑袍罩衫又薄又易著仲可以防曬就買咗件
奈何個人長度問題要去改裙腳
裁縫係呢位,忍唔住影佢呢
其實改件衫都只係七蚊 (港幣)
而佢仲請我飲呢杯就咁買都要兩三蚊嘅檸檬汁
有仔睇又有嘢飲仲係好飲個隻
咩都抵返晒啦~
買咗衫呀咖啡呀床單等等
攰攰哋就嘆吓咖啡甜品 @Şekerci Cafer Erol
暫別İstanbul嘅尾聲返返上嚟Alemdar
見仲有時間就食返個唔俾人玩嘅土耳其韌韌雪糕
返酒店再pack埋啲戰利品就搭機場巴士iST-20去IST機場
等起飛嘅時間好漫長
去連鎖餐廳Simit Sarayi飲咖啡打發吓
上得機喇,飛內陸機由「歐洲」去「亞洲」Cappadocia
light得嚟幾好味嘅飛機餐 + ayran
到Cappadocia嘅機場Nevşehir Kapadokya Havalimanı喇!
book咗機場去酒店嘅迎送車
輕輕鬆鬆到達石山上嘅石屋酒店
特登揀住石窿房
周圍會有啲碎沙石咁都幾得意
行過街,搭機又搭車都算折騰完
完全冇騰空個腦諗食乜好
超nice嘅酒店職員就介紹呢間酒店轉角就到嘅餐廳 @Haruan
一上到嚟真係哇咗聲,個景靚到吖!
無敵景致 x 推薦嘅地酒非常好飲
最重要嘅嘢食又極美味… 勁滿足呢~


雖然時候唔早不過都要叫自己早啲瞓
聽朝要超早起床啊啊啊!

Comments