《響-HIBIKI-》

真係覺得欅坂46裡面嘅平手友梨奈好順眼
套電影係改編自柳本光晴嘅漫畫『響 〜小説家になる方法〜』
主角鮎喰響個氣息根本就同平手友梨奈一模一樣嘛
而原作都有講唔係平手就唔好開拍

電影講述個好有寫小說天份嘅15歲女學生鮎喰響
投稿小說『お伽の庭』後
分別响文學獎裡面嘅芥川賞同直木賞同時受賞
不過佢份人就好「藝術家」
同一般人隨和嘅性格有好大分別
會唔聽人講嘢好堅持做自己
甚至會以暴力去解決問題
所以唔同嘅人會好努力解釋呢個世界俾佢聽
以及會幫手解決問題咁樣啦

感覺就係好「欅坂」
不為世界隨波逐流嘅一群
但係,最重要係本身有料先可以咁做啦

套戲好普通㗎咋,冇咩好驚喜嘅成份
純粹好型,個故仔同平手都好型囉
可惜平手响欅坂脱退之後就唔再型喇
呢排見佢套新戲個樣呀氣質呀都唔同晒,唉...

Comments