[食の四国ツアー] Day5:すし丸 本店 - 松山御膳 松山鮓、道後ビール

响松山,唔食松山鮓絕對會係遺憾
去昭和23年開業嘅老店すし丸
also,嚟松山但miss咗呢隻道後ビール
回望人生就會有種追悔莫及嘅感覺
完全冇誇張,隻啤酒真係好飲到流出感動嘅眼淚
(而家打字都仲眼濕濕咁呀該煨)

松山御膳
一次過將伊予嘅味道吞落肚
付出し:麵豉醬矮瓜,味道簡單純粹
お造り久万高原手造りこんにゃく,鄉土蒟蒻腍諗韌韌咁幾得意
揚げ物松山じゃこ天,即係今朝食嘅迷你版魚仔魚肉餅
松山鮓
食住偉大人物子規・漱石・虚子等人嘅鍾愛食物
有魚啦蛋絲舖住嘅酒飯
yes!係「酒飯」唔係「醋飯」所以更好食!
鯛そうめん
都幾飽吓不過呢碗鯛魚素面好鮮味嘛...
(唔算好好麵嘅我幫襯吓之後forward咗畀鍾意食麵嘅小不點)
冬季限定:ぬく寿司セット(特大茶碗蒸し付)
ぬく寿司
有唔同海鮮嘅四方盒蒸壽司
海鮮精華入晒落啲飯到勁鮮甜呢
特大茶碗蒸
根本就係「湯碗蒸」啦~
不過大時大,裡面啲蛋係嫩嫩滑嘅
食到好飽未浸得溫泉住
要搵啲地方行吓消化吓先得(嗝)

-----------------------------------------------

延伸閱讀:

Comments