大飯糖甜品小食屋

冬菇亭內cozy裝修嘅食店
有飯啦小食啦甜品咩都有嗰啲啦
真・菠蘿綿綿冰
(鳥瞰)
鮮菠蘿綿綿冰、鮮菠蘿、水晶(透明涼粉)、椰奶忌廉仲有篤3.6牛奶軟雪糕
好難唔滿足喎老細~
楊枝甘露
上枱睇落似乜都冇咁...
(攪底)
當然係寶物尋歸底!
足料到一個點,芒果汁底勁濃郁
芒果粒同柚子肉都係新鮮嘢
大大粒珍珠好好咬呵呵~
同一色tone嘅腐竹薏米流心蛋糖水
(咬~)
哇!隻流蛋流緊金咁好L正啊!
呢度嘅腐竹糖水係例甜(恆常配餐甜品)之一
不過又唔會好似平時啲例水咁做得求其
味道濃郁又唔會好甜
薏米肥嘟嘟有得咬
腐竹唔會全部煮爛晒會有軟滑一塊塊(讚)
100%自家磨制芝麻糊
Mmm... OK啦,誠意可嘉嘅不過其他嘢水準高啲咁囉...
彩虹橋
好開心嘅芭菲
3.6軟雪糕啦生果粒啦同粒粒爆珠
底層又有濃濃奶味滑嘟嘟嘅3.6奶凍(心)
芒果爺爺
點都食唔厭嘅3.6軟雪糕
中層係甜甜新鮮芒果粒
裝响個原隻鮮椰皇果凍度
jelly嘅味道清甜,好好味呢
榴槤球河粉
唔講得笑,呢球榴槤球真係一食就愛上
味道夠晒香亦唔會過甜
而椰汁河粉超滑身
椰味都冇比榴槤味蓋過好南洋風情唔錯呢!
左右配搭:D24榴槤球 x 3.6奶凍 | D24榴槤班戟
係呀再講多次個榴槤球真係好好食
然而奶凍個味道較濃郁唔會輸蝕仲好嫩滑
上面幾片朱古力早餐片硬硬脆咁
(一打開個盒仲以為「哇唔係畀黑松露咁大手筆嘛」哈哈係豬咗啲)

pancake皮薄,內含啖啖榴槤
可以同滿記say goodbye喇(揮手)
酥炸燒賣
因為太鍾意食呢度啲甜品
有時會塞唔落間嘢嘅正餐啊
但係有唔同嘅小食,都做得好好㗎!
肉燥滷肉飯
有啦有响度食正餐嘅
碟頭大得恐怖,食完會食唔落甜品
傻啦!要食甜品嘅話一定食得落嘅哈哈哈

Comments